蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月27日
馬上成為壹會員

【被大會開咪催】神奇膠強調唔介意Cut歌 主音日新:自己嘅地位原來咁低

建立時間 (HKT): 0827 14:55

中環海濱滑水嘉年華「Slide The City」噚晚以Band Sound做主題,請咗本地樂隊Supper Moment、GDJYB 雞蛋蒸肉餅、per se、Kis & Band及神奇膠等演出,不過神奇膠就喺facebook鬧爆會方唔尊重。

相關新聞:【出事!】神奇膠感謝Supper Moment當紅不讓:Slide The City X你老X

今日神奇膠主音日新就回覆《蘋果》表示:「Cut歌我哋明白,因為band show超時嘅情況都會發生,呢方面都樂於配合,我哋都明白,之後都有Supper Moment表演,CUT係冇特別意見。」

日新講到獨立樂隊可以表演嘅地方好少表演,佢話:「大家都會以為我哋被cut歌會唔開心,但係其實最唔開心,係發現自己嘅地位原來咁低。同埋要去到咁絶,上到台都要咁催我哋,我哋只係玩兩首歌,都要咁催我哋,cut歌我哋真係唔介意,好多時都會出現呢個情況,cut歌只係帶起咗呢件事。」

相關新聞:【激讚Supper Moment有大將之風】險被大會調走 神奇膠主音日新:感恩Sunny表態幫忙

「其實係好唔開心,真係好唔開心,係唔開心多過嬲,去過加拿大、台灣演出過,都未試過有咁嘅遭遇,雖然唔係咩大樂隊,但真係唔希望有咁嘅安排,cut真係唔緊要,係大會對我哋嘅態度,真係令我哋好唔心,希望佢哋對之後嘅獨立樂隊,都有番一份尊重。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載