蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月27日
馬上成為壹會員

【公關現身】神奇膠被Cut歌 Slide the City發言人:上台講粗口就好過份

最後更新: 0827 19:28 / 建立時間 (HKT): 0827 18:00

噚晚獨立樂隊神奇膠,喺「Slide The City」表演,因為不滿大會安排,先因為由原本5首歌,被cut到得番兩首,仲話要將佢哋排喺壓軸嘅Supper Moment之後演出,講白啲:搵鬼睇咩!

相關新聞:【出事!】神奇膠感謝Supper Moment當紅不讓:Slide The City X你老X

神奇膠都話,明白cut歌係難以避免發生,但令佢哋最不滿,係大會嘅態度。噚晚佢哋喺台上準備嘅時候,被大會開咪催佢哋快啲開始,神奇膠主音日新向《蘋果》話:「大會用咪同我哋講:『快啲開始啦,套鼓都set好啦,快啲開始啦。』」

《蘋果》今日打畀Slide the City大會發言人解釋:「當初原意搞呢個騷,主要係想畀唔同樂隊可以上台演出,畀樂迷認識,唔係借佢哋賣飛。」

相關新聞: 【被大會開咪催】神奇膠強調唔介意Cut歌 主音日新:自己嘅地位原來咁低

對於神奇膠指摘大會cut歌,發言人稱:「神奇膠噚日中午係冇嚟綵排,我體諒有時大家都有工作嚟唔到,但始終band show好多嘢要set,要互相配合,加幾上呢個係現場騷,前面幾隊玩遲咗,好多時後面就要配合,有機會被cut歌,我哋唔係紅館開,唔係話超時罰錢就了事,戶外唔可以咁。況且開咗騷跟rundown,前面因為跟時間做落去,唔會cut前面。」

神奇膠也不滿大會催開咪,發言人就指繼續話:「其實我哋催嗰啲說話係同大會工作人員講,可能佢哋誤會咗。」佢又表示即使神奇膠被cut歌,但都唔可以上台就爆粗。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載