蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月27日

【前獨立樂隊發言】神奇膠指Slide The City唔尊重 偉@RB:個主辦係唔啱

13,847
(攝影:黃曉妍)
最後更新: 0827 21:40 / 建立時間 (HKT): 0827 19:02

Alan(布志綸)、KevinBoy(KB)、偉@RubberBand、Sammy@Kolor、歐陽妙芝同潘紹聰今日喺銅鑼灣皇室堡出席舞台劇《尋找快樂時代》主題曲「愛在那年」嘅迷你音樂會,行去後台做訪問時,Sammy右邊近頭頂位置被商場擺設刮傷,幸無大礙。而阿偉嘅囡囡亦特別到場支持爸爸嘅演出,兩父女仲錫錫,十分溫馨!

相關新聞:【出事!】神奇膠感謝Supper Moment當紅不讓:Slide The City X你老X

阿偉透露已經為舞台劇《尋找快樂時代》進行排練,大家漸漸產生默契,佢哋話呢套劇係講一隊80年代喺酒廊唱歌嘅樂隊,當中涉及兄弟之間嘅拗撬,Sammy話:「一開頭就鬧,情緒好高漲,排咗10幾次先搵到個感覺。」佢哋指BAND仔平時會將自己嘅感覺收埋,但演戲就要用把口講出嚟,所以成為佢哋一個新挑戰。

由於呢部係穿越劇,Alan將飾演KB個仔,Alan話:「我有去學戲,要學識放低自己,咁我就演得放。」提到4個月大嘅囝囝,Alan甜笑話:「佢o依家開始識認人,好肥,個樣幾似我。(會唔會再生多個﹖)暫時唔諗住。」

相關新聞: 【被大會開咪催】神奇膠強調唔介意Cut歌 主音日新:自己嘅地位原來咁低

對於樂隊神奇膠噚晚喺中環海濱滑水嘉年華「Slide The City」為本地Band Sound騷演出,不過就被大會Cut歌、開咪催setting同調rundown,似乎極度唔尊重本地樂隊,KB表示身同感受,表明立場力撐神奇膠;阿偉就話:「音樂人或者獨立樂隊應該得到應有嘅尊重,我覺得嗰個主辦係唔啱。」Sammy話:「大家都係搵食啫,好明白時間上控制,或者現場上出現嘅問題,以往我哋嘅做法,一定有解決方法,大家都係講尊重。」係咪有唱片公司會好啲,可以幫手解決問題﹖阿偉話:「有公司梗係會好嘅,但就算作為一個獨立音樂人,係應該受到尊重,呢個係一個重點。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載