蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月03日

【老師的吶喊】校園禁「獨」80後Miss倡人心教育

50,042
最後更新: 0903 22:08 / 建立時間 (HKT): 0903 07:00

「我想陪住香港成長。」一位80後、在香港土生土長的梁詠詩說道。

手執教鞭已十年的梁詠詩,現時於一所本地傳統著名中學任教中文及中史科,這亦是從小的志願:「因為以前的老師教得好,佢教識我教書唔淨係教你點攞好成績,係教你點樣去做正確嘅嘢,品德情意。」

當年受到啟蒙的梁老師認為「教育係人心」,用心教學便希望學生得到課本以外的知識,她說:「咁依家有學生就係對香港嘅前途有興趣想知多啲,o依家(教育局)就係撳住你,唔畀你講。」

回想當年作為學生的她,跟老師討論時事比較自由:「例如歷史老師話外國呢啲事件同香港依家都有關係,我哋就即刻醒神,老師會話借古鑑金。」而學生們十分重視老師的觀點:「我教中史時,有學生問『書本話毛澤東二萬五千里長征,令到士氣非常之高昂,但我覺得佢被國民黨打到落花流水,其實係咪二萬五千里大逃亡呀?』大家有討論,我都有個人立場,我都覺得係打到走,然後睇吓點反擊。」再舉例說:「學生如果問台灣係咪中國一部份,嘩!我諗我到時會啞咗,但以前我會反問同學,台灣可以自己選總統,我哋冇喎。寓教於學。學生問得多啲,老師諗得多啲,學生又進步,老師又進步。」

訪問當日,梁老師再三叮囑訪問內容純屬其個人意見,「一來驚,二來我對o依家呢個政府有啲氣餒。」梁老師認為禁止討論「港獨」會影響日常教學,有指討論「港獨」可能會取消教師註冊資格,她說:「論及歷史、中史或者通識科,自然會講到香港現時處境。我自己嘅班主任堂也會請學生做剪報功課,然後要評論一下,咁如果個學生指咗篇港獨,又或者問點解立法會選舉有篩選過程,咁我就真係呆咗,可能我要落閘話呢啲唔答得你。」

梁老師:「一個討論、一個交流,即唔係非黑即白㗎。單方向嗰啲唔係討論,師生關係要有火花。」她以個人身份批評教育局只急忙禁止「港獨」在校園散播:「吳克儉講嘅嘢係令校園政治化。教育局除咗識得落order(命令)話唔好講港獨之外,其實係咪應該要認真睇吓教育政策,係咪真係為學生、為老師呢?」

「我希望年青人喺社會上有更加多話語權。」梁老師說。

立法會選舉投票在即,網上最近流傳一封、由一位無票在手的中學生的信,信中寫道:「你手上一票代表我的未來。」(相關新聞連結: http://bit.ly/2bFD5nX ) 學生對自己的未來擔心,梁老師同樣,當中也包括「一帶一路」政策,她說:「當我依家讀緊書,有一帶一路,我係唔會考慮到第二度讀書,好多地區都好危險,自身安危,仲有學歷嘅認受性,拎住張沙紙喺香港搵工,究竟啲老闆係咪睬我呢?」

「我以前覺得教好書就算,o依家係教完書後想將課堂搬喺社區,希望大家留意時事、關心社會。」梁續道:「我希望年青人喺社會上有更加多話語權。」

採訪:懷鈺
編審、編導:Kaman
拍攝:馮峰、Neo
剪接:Roy

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載