蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月03日

【最新消息】新郎獨家回應 40歲舒淇已嫁42歲馮德倫!

2,109,828
最後更新: 0903 19:12 / 建立時間 (HKT): 0903 13:08

恭喜恭喜!好滾動呀!黃金盛女舒淇,終於嫁喇!係嫁咗喇!婚禮於捷克一座古堡舉行!今午兩人透過寰亞發佈一輯結婚相,宣佈婚訊,仲一齊發表「結婚啟事」,都話結婚呢個決定真係好突然好隨性,唔會有婚宴亦唔會有派對。「我們相識了二十年,相戀了四年,我毫無反顧的娶她了,是的,我們決定相互纏一輩子。我們結婚了,謝謝愛我們的你們的關心。甚麼都可以錯,但是別錯過愛你的他&她」。

相關新聞:【舒淇做咗馮太喇!】馮德倫向全世界宣佈:我毫無反顧的娶她了

馮生馮太仲驚大家諗多咗,以為舒淇好似林心如咁奉子成婚,所以喺啟事中自爆「p.s.目前尚未懷孕」

《蘋果》收到消息,兩人係日前結婚嘅。兩人一直在布拉格開緊工,有日拍拍下,馮德倫就同舒淇講:「不如我哋結婚囉!」就係咁,舒淇一口答應了!

相關新聞:【最美婚照圖輯】40歲索爆新娘子 舒淇sweet到爆 靚人靚景!

求證於舒淇經理人管小姐,問她是否在捷克觀禮?佢笑笑口話:「我係去咗布拉格,不過係探班,唔係觀禮,我都係比你哋早少少睇到佢哋準備要發俾傳媒嘅結婚啟事同相片,佢哋已經喺嗰邊結咗婚喇,佢哋想保留少少私隱同空間。」

兩人現時仍身在當地拍攝馮德倫執導新片《俠盜聯盟》,該片監製張家振接受《蘋果》訪問時亦稱,都係噚日先至收到兩人結婚通知:「佢哋真係好鬼秘密,瞞晒所有人,事前完全冇蛛絲馬跡,而且幾服佢哋,日日都開緊工,竟然仲可以搞到結婚,劇組惟獨噚日放咗一日假啫!」

及後馮德倫接受《蘋果》獨家訪問,記者即恭喜他新婚燕爾,馮導連聲謂:「多謝多謝!」問佢係咪噚日結婚?「呢啲私隱你俾我哋保留啦,希望你體諒啦。我依家0係現場開緊工呀,趕煞科戲,真係好忙!多謝你!」《蘋果》再問舒淇究竟幾時結婚0架?求婚過程呢?有冇邀請親友見證?簽咗結結婚證書未呢?佢透過經理人管小姐回應:「我們對感情的事情都想保留自己的私隱,這點小秘點就讓我們收著囉!」

其實舒淇之前透過寰亞都講咗少少0架喇:「婚紗是H&M兩年前送我的,頭紗是一家婚紗店隨意挑的,他的西裝跟我的粉紅色小洋裝臨拍照前兩天才讓silver街邊買的~照片林炳存大師一星期前接到指令排開所有工作飛來布拉格拍攝的,還指定要自然風只能帶反光板而已~哈哈!」

好突然!好幸福呀!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載