蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月05日

【馮德倫唔呷醋】舒淇同祐寧演情侶 劉德華同法國影星尚連奴鬥戲

26,039
最後更新: 0905 10:04 / 建立時間 (HKT): 0905 00:01

電影《俠盜聯盟》近日喺捷克開緊工,噚日忽然爆出導演馮德倫同女主角舒淇結咗婚,二人婚後仍全心投入工作,馮德倫表示目前忙於工作,不作回應,晚上喺微博以一張手戴婚戒嘅工作照,感謝大家嘅祝福,據知呢套片本來係搵咗大陸藝人馮紹峰同張天愛做男女主角,點知馮紹峰連合約都簽埋,最後稱因腳傷而臨時甩底,張天愛最後決定唔拍(新聞連結: http://bit.ly/2cqz3o0 ),劉德華同舒淇即捱義氣,臨危「救」馮德倫,估唔到令身在捷克嘅馮德倫同舒淇,忽然有結婚嘅想法。

目前《俠》喺布拉格拍攝中,呢套片由《俠》由劉德華、舒淇、楊祐寧、張靜初同法國著名影星Jean Reno(尚連奴)演出,講劉德華演嘅大盜張丹,重出江湖,同拍檔「小寶」楊祐寧及「葉紅」舒淇偷稀世珍寶,而講佢哋被Jean Reno演嘅法國警探追捕多年,玩跨國「貓鼠遊戲」。三屆金像獎影帝劉德華首次同演過《這個殺手不太冷》嘅Jean Reno合作。

片方亦首次公開工作照,見導演馮德倫、劉德華、舒淇、楊祐寧喺歐洲留影,呢套戲係馮德倫繼拍美劇《荒原》後執導嘅首部華語電影,自七月低調開工,輾轉喺法國、捷克等地進行拍攝,故事靈感來自幾年前發生於康城影展嘅盜竊案,套戲將於明年暑期上映。

今次《俠》嘅製作卡士都唔惹少,由曾製作《奪面雙雄》、《職業特工隊3》嘅張家振擔任製片人,而有份主演嘅劉德華就做監製,呢套片則由曾拍《極速激戰》及《未來戰士3:殲滅者TX》嘅著名攝影指導Shane Hurlbut負責揸機拍攝,

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載