蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月24日

【鄭丹瑞出手】35F「巨胸翠如」拍《小男人周記3》 上圍整細兩吋

30,991
阿旦大爆試鏡時Larine排包尾,全憑佢一番說話令自己爭取到演出機會。 (攝影:陳慧安)
最後更新: 0924 16:10 / 建立時間 (HKT): 0924 00:01

參選ViuTV實況選美《美選D.n.A》嘅18歲佳麗「巨胸翠如」鄧月平(Larine),憑住一對35F導彈胸成為大熱門,又迅速加入蕭定一旗下,會同鄭丹瑞(阿旦)、周秀娜拍戲!

相關新聞:【努力洗底】石希露曾為性玩具店睇舖 現職寵物助護照顧貓狗

Larine下個月將參演由鄭丹瑞執導兼演出嘅電影《小男人周記3吾家有囡33D》,佢會飾演阿旦囡囡,今日佢哋喺鰂魚涌為新片試造型。阿旦強調Larine戲中會晒賣點,佢話:「我對佢身材喺鏡前有要求,當然要佢拎出嚟。」

不過Larine明明係35F,點解戲名會將佢降cup變33D?阿旦笑言:「等觀眾發掘驚喜啦,33D都好開心。」阿旦仲透露Larine會有感情戲,將會同扮TB嘅談善言有瞹眛關係,同時又有蔡瀚億(BabyJohn)介入。

相關新聞:【嚇前度】ViuTV紋身石希露被打至鼻骨裂 自認蠢又耳仔軟

阿旦自爆構思戲本時,一諗到可以戀上娜姐就好興奮,面對「來勢胸胸」嘅Larine同娜姐,阿旦怕唔怕會片場噴血?佢坦言:「諗到都噴血,我度劇本時諗到都開心,我仲用咗幾盒紙巾。」

阿旦大爆試鏡時Larine排包尾,全憑佢一番說話令佢成功爭取到呢個演出機會,Larine話:「我覺得自己同戲中角色好相似,呢部電影填補咗我現實有啲填補唔到嘅嘢。」Larine暗示單親家庭長大,缺乏父愛,阿旦聽完Larine自白即話:「我對佢另眼相看,18歲有人生經歷,啱我呢個角色。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載