蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月27日

【耳朵懷孕了】(附李佳芯多圖)無綫大配角唱《律政強人》英文插曲 超好聽

247,749
最後更新: 0927 22:26 / 建立時間 (HKT): 0927 18:20

大台嘅藝人真係卧虎藏龍,淨係講演技,一眾綠葉演員真係行出嚟已經「一掌打死人」。鄭俊弘、張彥博、鄭世豪等等,全部之前都係喺大台做閒角,但實質佢哋都係有料之人。

其實大台仲有一把被遺忘的聲音,大家夜晚睇大台劇《律政強人》就會聽到,佢就係唱劇中插曲《Can You See》嘅——譚嘉儀。唔係0靚模嗰個,係《巨聲3》季軍嗰個。

《Can You See》前半段,由一支木結他掃住chord,伴住譚嘉儀清澈嘅聲音,頓時好有畫面,好似一個女仔坐喺草地,拎住結他自彈自唱,望住星空唱出自己嘅心事。呼應歌詞:'Like all these things will always be.Yes, I love you so. Can you see?'

2011年譚嘉儀參加《超級巨聲3》奪得季軍,得獎之後喺大台一直都係做下主持,或者做下劇集中嘅閒角,睇番維基介紹,譚嘉儀演過《My盛Lady》嘅0靚模攬枕、《愛·回家》嘅木偶妹、《巨輪2》都有份客串,但真係唔起眼。

平時譚嘉儀會喺YouTube拍歌曲cover,有時會又孖坤哥、胡鴻鈞、林師傑(木偶哥)一齊唱歌。其實譚嘉儀係大台旗下唱片公司——「星夢娛樂」嘅歌手,要聽到佢嘅歌聲,最直接都係上YouTube啦!

唱過HKTV劇集《選戰》插曲《I 'll Be There》,《導火新聞線》電影版片尾曲《We're not afraid》嘅陳詩慧都係同樣嘅遭遇,聲線好聽但係就唔知點解冇咩人識,真係可惜……

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載