蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月27日

【靠強姦戲救收視】冇咗鍾嘉欣得番誇張陳凱琳 網民留名等睇《巨輪II》腰斬

228,627
最後更新: 0927 23:22 / 建立時間 (HKT): 0927 19:32

今日黃智賢(Ben)、陳凱琳(Grace)、姜大衛(John哥)、湯洛雯等喺電視城為新劇《翻生武林》拍外景,劇情講到黃智賢要上城樓除褲,仲自認係閹人。

女主角Grace就解釋呢一幕對Ben非常重要,而自己係Ben嘅義女,所以都大受打擊,佢仲話星期五就拍完呢套劇,之後可以休息,不過嚟緊要出埠工作,提到男友鄭嘉穎嘅新劇《迷》都煞科,Grace就話男友將要為音樂劇綵排,所以要遲啲先可以一齊慶祝。講到喺《巨輪II》將會播出佢被「父親」吳岱融強姦嘅戲份,Grace指好多觀眾都好期待,問到佢會唔會叫男友一齊睇?佢話拍攝時已經知道尺度,所以都會睇返。講到佢先前唔少劇集都有被姦嘅情節,Grace話大多都係意識上,而且對手都不同。

提到《巨輪II》平均只有23點收視(約149萬人次收看),成績唔算太理想,Grace坦承之前有點介意,但也明白收視很難講,因觀眾會網上重溫:「鼓勵自己有無進步較重要。」至於唔少網友喺網上批評呢套劇,不滿《巨輪》冇咗陳展鵬同鍾嘉欣,另外阮兆祥同田蕊妮原本係夫婦嘅角色夾硬被拆散,又加上劉思希同陳凱琳嘅演技又相當誇張,有網民更希望該劇腰斬。演技被狠批,Grace就話:「朋友都有問,我是有啲不開心,但不可以一下子改變點演戲,要一步一步來。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載