蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年10月03日

【C1頭條】恩愛啜不停 承諾手牽手到老 楊怡謙謙冇設防:兩年抱三

22,512
建立時間 (HKT): 1003 00:00

今年3月,楊怡和羅仲謙先於英國古堡舉行Wedding Blessing儀式,昨日就在香港舉行婚禮,正式註冊為合法夫妻,晚上並在麗思卡爾頓酒店筵開52席。昨早8時半,一身中式傳統禮服的謙謙,與馬國明及單立文等9位兄弟浩浩盪盪抵酒店接新娘,謙謙卻因太緊張導致失眠和沙聲,他說:「呢兩晚都瞓得唔好,因為噚晚唔可以見阿怡,我哋已經兩日冇見,自己諗吓嘢,諗吓結婚嘅台詞,唔想好似好冇創意。」說到生BB問題,謙謙笑謂:「都想兩年抱三,會盡力嘅,隨心啦,我最想要兩個小朋友,第一胎係囡囡,第二胎係囝囝就最開心。」

之後謙謙與兄弟團過關斬將成功接新娘,並於10時45分拖住穿裙褂的楊怡離開酒店。一對新人與兄弟姊妹團影大合照,更順應傳媒要求錫錫,短短十多分鐘錫足6次,相當恩愛。及後,一對新人出發往大埔比華利山向男家進行斟茶儀式。

楊怡和謙謙於下午5時許接受傳媒訪問,提到註冊儀式,楊怡坦言好感動,一進場已經爆喊,身旁的謙謙亦謂:「一入場起音樂就喊,覺得比喺英國更感動,因為所有屋企人都見證住。」問到誓詞和愛的宣言,謙謙說:「好多謝阿怡,由我哋拍拖,踏入o依家第6年結婚,由啱啱開始拍拖嘅時候,得阿怡全心全意支持我、信任我。其間我哋經歷好多風風雨雨,最後可以結婚,我認定呢個女人我永遠都要保護佢、愛錫佢。」楊怡亦冧爆回應:「我同佢講,我要嘅幸福好簡單,我唔使食啲乜嘢好嘢,所以先咁瘦,又唔需要乜嘢靚車,只要大家一齊手牽手,行路都可以行到老。」

有傳謙謙封十萬蚊開門利是,謙謙直指只是傳聞:「我都唔知喎,總之個利是封放得幾多就幾多,總之放滿咗。班姊妹好順攤,冇數到。」問楊怡給老公幾多分?她說:「80分啦!大家後生,進步空間好大。」謙謙聞言即笑住回應:「可能佢睇我生唔生到BB,哈哈。」楊怡受訪時,提到家姐楊卓娜親手造了一個城堡給她,一度感動落淚。訪問後,謙謙再應傳媒要求與楊怡錫錫時,即「啄木鳥」式錫了老婆6啖,然後再兩度情深一吻,全日婚禮嘴不停。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載