蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年10月05日

【黎明A 黎明B...】50歲黎明詩被爆分居轉性向

22,966
黎明詩04年同銀行家分居後,有周刊指佢現與同性密友同居。
建立時間 (HKT): 1005 14:45

要數九十年代嘅女歌手,大家可能會諗起鄭秀文、彭羚、黎瑞恩同王菲等,你可曾記得黎明詩,講緊嘅唔係「明福俠」黎明,亦唔係黎明A、黎明B,係黎明詩。退出娛圈多年嘅黎明詩,今日就有周刊報道話佢,婚姻失敗後,連性向亦有所轉變,話佢o依家與同性好友喺畢架山同居。

黎明詩喺英國讀書期間,同妹妹黎杏心參加當地嘅華裔小姐,兩姊妹仲一齊當選,黎明詩奪冠,妹妹就得亞軍,之後黎明詩就返咗香港發展,做過model、拍過電影《霸王花》等,91年佢就轉戰樂壇,但98年佢就收山,同銀行家Eric Fung結婚,退出娛圈。

但係黎明詩嘅婚姻並唔長久,04年佢就同Eric分居,據周刊嘅知情人士話,黎明詩同老公分居後,回復單身,身邊都有好多追求者,其中一名仲係TB密友,知情人士仲話,黎明詩以前讀女校,讀中學時都有好多女仔追佢,佢同老公都冇小朋友,一直都冇正式辦離婚手續,之後就見佢多數同女仔玩,近年就同一名Kelly嘅TB一齊。知情人士話,Kelly係《沒女》Queenie Chan嘅拍檔,所以都識好多圈中人。

而Kelly同黎明詩嘅親密關係,喺佢哋嘅朋友圈,都已經係公開嘅秘密,剛過去嘅周日(2日),周刊就影到黎明詩同Kelly去夜蒲,Kelly就好似男主人咁招呼朋友,離開時佢哋就好有默契咁分開行,但一見少人時,佢哋就會自自然然咁行番埋一齊,之後仲索性蹺住行。除此之外,之前Kelly仲幫黎明詩慶祝50歲生日,當時黎明詩作男性打扮,同啲兔郎磨爆添!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載