蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年10月06日

【釜山電影節】《屍殺》杯葛唔參展 星光黯淡搵日星撐場

30,113
《屍殺列車》杯葛釜山國際電影節
建立時間 (HKT): 1006 16:16

一年一度韓國影壇盛事第21屆釜山國際電影節今日就正式揭開序幕,事實上今年釜山電影節喺一片杯葛聲下舉行,今年4月電影製作人協會、韓國電影導演工會、韓國獨立電影協會、韓國編劇學會等九個電影人團體曾舉行記者會,宣佈抵制今年嘅電影節。根據當時韓國傳媒報道釜山國際電影節同釜山市嘅矛盾始於前年,當時釜山市希望電影節組委會能夠取消「世越號」沉船災難嘅紀錄片播映,不過電影節組委會就拒絕咗,令到政府提時將釜山國際電影節嘅資金減少了一半,監察院亦對釜山國際電影節實施咗特別監察。

相關新聞:【釜山國際電影節】星光黯淡獨力撐場 真空露背韓孝珠勁搶鏡

由於韓國電影人團體覺得政府唔應該干涉電影節,所以就決定今年唔參加釜山國際電影節,以行動嚟抗議政府嘅做法。而暫時根據已知嘅名單顯示,今年現身電影節嘅明星唔算星光熠熠,暫時已公佈會有孫藝珍、李秉憲、尹汝貞等,就連大熱韓片《屍殺列車》以及河正宇嘅《隧道》都拒絕參展,當中《屍殺》嘅製片商就話因為當地政府仲未為事件道歉,所以就唔會出席,言下之意片中演員都唔會現身電影節。

唔知係唔係因為咁多因素影響,所以今年唔算太多韓星支持,反而大會就邀請日星撐場,並邀得小田切讓同蒼井優主演嘅《Over the Fence》來參展,同時現身電影節。而今次係蒼井優事隔6年再參與釜山電影節,同時亦係佢第四次訪韓。

相關新聞:【颱風襲釜山】素顏韓孝珠趕抵電影節會場 粉紅色眼鏡成敗筆

另外,由韓藝璃、梁益俊等主演嘅韓片《春夢》,將會作為釜山國際電影節嘅開幕電影,佢哋今日記者發佈會。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載