› 選擇地區
三藩市
紐約
洛杉磯
其他美國地區
香港 台灣 北美
 
2016年10月18日

【偉仔堅係冇得輸】今晚飛意大利孖偉仔拍戲 唐嫣:佢係真男神

建立時間 (HKT): 1018 17:28

內地演員唐嫣以莎莎婦女銀袋日形象大使身份,今日去到跑馬地出席記者會,宣佈下月6號喺沙田馬場舉行嘅莎莎婦女銀袋日賽事,到時唐嫣都會入馬場欣賞,呢個仲係唐嫣嘅第一次:「一直未接觸過(賽馬),沒有看過。」提到第一次下注會帶嚟好運,唐嫣就話:「真的嗎?謝謝。」

問到有冇搵好姊妹楊冪?唐嫣就話今次嚟香港嘅時間好緊迫,所以都未有時間,佢仲透露今晚就會飛意大利,拍攝同梁朝偉合演嘅《歐洲攻略》,原來唐嫣同偉仔喺戲入面飾演情侶,問佢會唔會有親熱戲?唐嫣就好怕羞咁話:「有一點點。」問佢有冇畀偉仔出名嘅電眼電倒?唐嫣話:「有呀,女生都會喜歡他,這是第一次見他的真人,不敢正視他的眼睛。」咁偉仔係咪好cool?佢話:「沒有,他很有親和力,在意大利拍攝幾星期,便會到上海拍攝。」能夠同偉仔演情侶,唐嫣都點點頭話自己好幸運,佢仲話:「他是全民偶像,是真男神。」講到拍攝時偉仔有一個同佢好似嘅替身,問唐嫣覺得似唔似?佢就話:「是,當我看到後都嚇了一跳,但當兩個站在一起時就會看到是有差別的,他(偉仔)的魅力不是誰都擁有吧。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載