› 選擇地區
三藩市
紐約
洛杉磯
其他美國地區
香港 台灣 北美
 
2016年10月20日

【《YES!!》城市驚喜】(驚喜喺最尾)千億新抱徐子淇 梁洛施都影過

最後更新: 1020 22:05 / 建立時間 (HKT): 1020 00:02

「牙佬」袁偉豪當年參選第一屆《YES!!》校花校草選舉入行…當年佢15歲,即係,20年前。嗰張相一出,令人譁然……

相關新聞:【便秘!便秘!咩都廢!】黃宗澤經典事件大全 《K歌之王》真係災難…

其實除咗牙佬之外,仲有好多明星/藝人係來選校花校草出身,首推係Stephy鄧麗欣,佢喺2000年參加《YES!!》校花校草選舉,因而被唱片公司發掘加入Cookies,嗰陣佢怕怕醜醜,自我介紹環節只係敢講自己個名同校名;07年就有魔鬼胸蔚雨芯參選,當時佢只得13歲,早熟!11歲入行做童星嘅大面Bella林穎彤,都參加過《Yes!!》校花校草0架!

除咗參選校花校草,都有唔少女星係靠影《YES!!》「城市驚喜」而為人所識——「城市驚喜」即係當年,俾《YES!》喺街頭野生捕獲、或者「讀者」主動投稿,千億新抱徐子淇、阿Sa蔡卓妍、張栢芝、梁洛施、Miki楊愛瑾丶陳自瑤丶李彩華丶DaDa陳靜、李蘢怡、范萱蔚、裕美、賈曉晨等等就係咁開始走紅!

相關新聞:【翠如BB同屆選校花?】17歲卜卜脆 黃宗澤自嘲似磨轆

依家已經升價百倍嘅梁洛施,13歲時參加《YES!!》城市驚喜專欄,仲做埋嗰期封面,一鳴驚人而加入娛樂圈。估唔到嘅係,最近宣佈再度告別娛樂圈嘅韓君婷,細個嗰陣都曾經喺「城市驚喜」登場,之後參加亞洲小姐奪得亞軍。認真,求圖。

已為人妻兼人母嘅唐寧(索到呢……) ,咸豐年前某日,上《YES!!》影樓幫廣告公司影相做Reference,俾人睇中咗,之後就有人聯絡佢媽咪,話想搵唐寧影「城市驚喜」。就係咁,在家長陪同下,當時仲係用緊真名江麗娜嘅唐寧就去到跑馬地影樓影「城市驚喜」喇,Baby Fat配Sailor Moon麵包頭,真係好經典。

其實除咗囡囡影「城市驚喜」之外,以前成日喺劇中飾演細佬嘅魯文傑(佢依家係香港話劇團戲劇課程導師)原來都影過。廿四年前,喺尖沙嘴噴泉、戴住副金絲眼鏡藍風褸嘅魯文傑,俾邵國華睇中,搵佢拍「城市驚喜」。好可惜,輯相魯文傑都搵唔番,只係話:「擺甫士時攝影師話 Cute啲Cute啲,男人老狗,其實幾抗拒。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載