› 選擇地區
三藩市
紐約
洛杉磯
其他美國地區
香港 台灣 北美
 
2016年10月20日

【王傲山速閃避記者】雷頌德設計珠寶o氹老婆 勁high自拍影唔停

建立時間 (HKT): 1020 19:18

雷頌德(Mark)今日同老婆梁家玉(Jade)喺銅鑼灣出席珠寶品牌Chantecler活動,事關Mark早前同品牌創作總監Maria Elena Aprea,合作設計咗一個珠寶系列,其中一系列仲用咗老婆個英文名叫「Bell of Jade」,設計以品牌經典搖鈴作為元素。Mark話:「用咗半年時間去設計,靈感就係嚟自佢個名Jade,同埋用玉去做,外國人都好少會用中國嘅玉嚟做首飾。」

Jade收到老公嘅禮物,心情明顯唔錯,拎起手機不停同老公玩白拍,兩公婆受訪時不停打情駡俏,問Jade係咪收到最窩心嘅禮物?Jade甜笑話:「都係呀!」估唔到Mark唔認同,仲話最窩心應該係送咗兩個仔俾太太,Jade即刻反駁老公話:「係我送俾你吓嘩!」Mark即刻笑住話:「咁你都要靠我啲嘢,大家互送啦!」

平時愛煮嘢食嘅Jade,所以手方面嘅首飾好少,Mark就話有質疑過老婆連結婚戒指都冇戴,但Jade話要煮飯唔戴都啱嘅。Jade笑住話:「一陣間粒鑽石唔知俾邊個食咗落肚咪慘!」Mark即刻話:「係呀!我儲咗好耐錢先買到o架!」問Mark仲有乜想設計,佢話要講緣份,Jade就提意佢設計內衣褲,等佢以後唔使買,Mark就好抵死話Jade唔介意佢同啲女Model試身就得喇!另外,今日見Jade不時摸住個肚,問佢係咪有好消息?兩公婆即刻耍手擰頭,話唔駛呢啲好消息。

今次Mark設計嘅手飾,會將有10%收入捐到「傲翔慈善基金」幫助有需要學生同年青人,而基金負責人之一、之前俾前妻劉明軒數爆一年趕出家門三次嘅王傲山都喺現場(新聞連結: http://bit.ly/2bZ7y07 ),不過佢就趁傳媒同Mark兩公婆做訪問嗰時閃咗人避開記者。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載