› 選擇地區
三藩市
紐約
洛杉磯
其他美國地區
香港 台灣 北美
 
2016年10月23日

【正日派「壽包」】黃翠如谷兩吋事業線大露背:生日就性感一次

最後更新: 1023 22:19 / 建立時間 (HKT): 1023 17:13

平時密密實實嘅黃翠如,喺今日正日35歲生日買大包騷事業線加大露背,連剛為人夫嘅羅仲謙喺合照時都忍唔住做出鬼馬「目及」嘢表情,同場出席嘉賓仲有江若琳、泳兒、衛詩雅、葉蘊儀、莊思明,沈卓盈等。謙仔獲大會送贈價值21萬8千元嘅名錶作禮物,而贏得最佳服飾獎嘅陳柏宇都得到價值逾二十萬名錶作為獎品。

相關新聞:【日日北上】學完養生再造人? 羅仲謙忙到要後補蜜月

身為壽星女嘅翠如被大讚派壽包,佢即面紅紅指感激大會一早邀請佢生日正日出席活動,而所着嘅性感吊帶裙係一位相識已久設計師嘅朋友所造,佢話:「我嚟到睇到條裙,佢就話係兄弟就着咗佢,我之前都無試身,見到條裙十分鐘就着咗,不過我一直台慶啲裙都係佢整,都好放心,但佢知我一直唔鐘意性感,生日就算啦,一次咁多。」問到有無影相畀男友蕭正楠(Edwin)睇?佢話:「冇,公司太多好嘢睇,唔得閒睇我。」佢又指設計師早在裙內加裝一切裝備,任何人着上都有如此效果。

專程返港慶祝生日,翠如透露會同家人食飯慶祝,兼順道見下大佬(蕭正楠),可以見到佢已經好開心,問到會否着住條靚裙去慶祝?翠如笑住話:「唔會,驚冷親。」講到Edwin喺網上表示將獎項送畀佢作禮物,佢話:「我都睇唔明佢寫乜,啲文法都唔啱,應該係佢哋太開心有啲醉意。」問到若果男友帶醉意求婚會否答應?佢話:「我比較鍾意清醒多啲。」

相關新聞:【一谷一放】泳兒唔想性感改短Deep V 衛詩雅要求去到盡

而蕭正楠喺instagram出post賀翠如BB生日兼晒恩愛: 「10月23日是一個很特別的日子!因為今天就是這個小朋友的生日!大家一起給她多一點的祝福好嗎?」之後仲要hash tag:生日快樂,我愛雀班、快高長大。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載