› 選擇地區
三藩市
紐約
洛杉磯
其他美國地區
香港 台灣 北美
 
2016年10月28日

【最想請小鳳姐】鄭國江名曲演唱會 阿B唔收酬勞唱兩首歌

建立時間 (HKT): 1028 14:05

鄭國江名曲·巨星演唱會2016噚晚在灣仔伊館舉行,鄭國江入行45年,過往跟不少紅星合作,仲有好多名歌金曲,所以佢話開個唱,有唔少原唱歌手都專程遠道回港,噚晚演出嘉賓有盧業瑂、胡渭康、林利、劉雅麗、李龍基、區瑞強、陳松伶、露雲娜、林志美、鍾鎮濤(B哥),之後三場都會有唔同嘅演出歌手。

台上面B哥同區瑞強就即場送咗一個蛋糕俾鄭國江,賀佢入行45周年,同埋75歲生日,但係其實鄭SIR係3月生日,不過唔緊要,最緊要大家開心,現場嘅觀眾反應好好,鄭SIR梗係開心喇!

接受訪問時,鄭Sir話:「好多朋友支持佢,有冇邊個想請,但係請唔到,小鳳姐囉!佢之前開咗演唱會,不過佢對我好好,我同佢合作過好多隻歌,我攞榮譽院士佢都會來棒場。」鄭Sir有成二千隻歌,問佢揀歌難唔難?佢話:「今次揀咗50隻演出,自己咁耐歷史,由『風雨同路』到o依家,其實好多歌手想來,好似馬浚偉同張敬軒,不過排咗期有工作在身,所以來唔到。」

區瑞強今次有份投資鄭SIR呢個演唱會,點解?「因為鄭國江老師本身係冇公司,甚至佢電話只係打出打入,冇Whatsapp,屋企只係fax,5年前同佢做過騷,我自己公司又有所有配套,而佢想請嘅嘉賓都同我熟,所以幫佢搞呢個騷,因為要搵好多人演出單位有20個,好多係搭膊頭好幫手,好似盧業媚專登加拿大飛返來,陳松伶北京返來。」

B哥話識鄭SIR好耐,好多歌都係佢做,佢話:「從來冇見過佢發脾氣,以前我做歌都好急,但係佢從來冇脾氣,好有耐性。」B哥話鄭SIR有唔少代表作,噚晚佢負責唱兩首一首自己,一首係翁倩玉嘅《信》。問B哥係咪冇酬勞,佢直認:「係呀!買衫都買唔到,但係唔係講呢樣嘢,同鄭SIR好耐冇見面。」年尾B哥話好忙,要努力籌錢幫兩個細女賺學費,大仔已經唔駛佢養,而大女就讀緊大學。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載