蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月11日

【原來係勞資關係】車廂纏綿 林雅詩解釋「個頭失蹤」原因…我跌咗電話

75,384
最後更新: 1111 22:09 / 建立時間 (HKT): 1111 17:31

正辦緊離婚嘅林雅詩,復出拍戲又要養仔,但似乎波折重重。最近佢簽咗間電影公司「弘武電影公司」,老闆馬天樂話要捧佢做一姐,點知就喺呢個moment,又突然爆出有「江湖中人」同林雅詩拍拖,更發展至同居。

當日馬天樂都有陪林雅詩出席記招,被追問呢件事時,林雅詩當時O咗嘴,停頓5秒之後話:「同居?冇冇冇咁嘅事。都冇人追,點會有…有…有人同居。」仲開始緊張口窒窒。當聽到話有人嗌佢「阿嫂」時,林雅詩直頭完全唔識反應,身旁嘅馬天樂未有出手相助……(新聞連結: http://bit.ly/2g2g44M )

事隔兩個幾禮拜,突然又有新聞,報道稱該名「江湖猛人」係人稱「沙田Me」嘅翟浩琛,更有指他就是「弘武電影公司」幕後老闆,對林雅詩非常「照顧」,兩人更同遊台灣;但林雅詩卻被拍得同「沙田Me」嘅「馬仔」馬天樂交往,兩人同車兩粒鐘,期間男方摸面又鍚嘴,肉緊非常,離奇嘅係同坐前座嘅林雅詩個頭突然離奇失蹤………

今日有周刊訪問咗林雅詩同馬天樂,林雅詩就話兩人關係係「僱員同老闆」,即係…咦,勞資糾紛?

林雅詩話,馬天樂好錫佢,好保護佢,兩人感情好好,但是否發展就觀察中。問及同「沙田Me」關係,林雅詩又話「大家係朋友」,但唔多接觸,亦否認「被照顧」一事。

馬天樂都有回應0架,佢都係話兩人關係屬「僱員同老闆」,唔係男女朋友。至於「沙田Me」係幕後金主傳聞,馬天樂話自己先至係幕後玩家,亦唔識邊個係「沙田Me」。

至於被拍到車廂纏綿摸林雅詩面珠同錫錫,兩位當事人嘅解釋都好………奇怪。俾人摸面同錫嗰個林雅詩就話自己「一個女人仔都好想有人take care有人錫,當時我喊,抹眼淚,好想有人錫,佢就錫咗我喇。」

錫人嗰個馬天樂,就話林雅詩講完電話之後喊,好需要有人錫佢安慰佢,所以就錫咗佢喇。

好似好夾口供喎。咁車廂內林雅詩個頭突然離奇地「唔見咗」一陣,係發生咩事呢?

林雅詩解釋:「跌咗個電話,我趴低身執番。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載