蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月14日

【第一屆澳門影展記招】關錦鵬擔任評審 宣傳大使張根碩:最欣賞姜文導演

9,157
攝影:沈健程(蘋果日報)
建立時間 (HKT): 1114 18:40

第1屆「澳門國際影展暨頒獎典禮」記者會,今日於澳門旅遊塔會展舉行,出席嘉賓包括韓星張根碩,澳門影視製作文化協會會長暨IFFAM籌委會執行副主席周焯華(洗米華),評審團之一關錦鵬導演及黃柏高。

澳門國際影展開幕禮將於12月8日假澳門文化中心舉行,曾志偉、曾寶儀及曾國祥,三父子將會一齊為活動擔任司儀。頒獎禮將於12月13日舉行,是次頒獎禮將會頒發最佳電影、最佳導演、最佳男女主角等9個獎項,擔任評審嘅有韓國導演鄭雨盛、日本導演渡邊真起子及香港導演關錦鵬等。是次澳門國際影展當中有一部份導演回顧展,包括許鞍華、杜琪峯、徐克及吳宇森等10多位國際導演。

張根碩於記者會上分享,對於今次能為首屆澳門國際電影節作祝賀及擔任宣傳大使,感到高興,張根碩話:「我在韓國研究院修讀電影,在韓國有為電影交流及宣傳,好高興今次為澳門電影交流,是次會努力為澳門宣傳。」張根碩指上次到來澳門工作,只能看到夜景,希望下月再臨可以遊覽,佢話:「今晚開心食到大閂蟹,我的朋友已訂咗40隻大閂蟹,因為聽朋友講今年大閂蟹size細咗,自己可以食4隻,難得今晚可一嚐澳門美食,我諗住食8隻。」對於想與誰合作電影,張根碩話:「我在韓國研究院作為短編導演,特別欣賞中國嘅姜文導演,佢又係導演又係演員,好想從佢身上學習。」

張根碩於記者會後接受訪問,佢話上次執導短編電影不夠完美,會聯同其他同學做新作品,題材還未確定,仍在修正中。對於喜歡做導演還是演員,佢話:「我從細個已開始做演員,自接觸幕後,先至多咗野心同興趣。」張根碩話想專注導演工作,o依家籌劃緊一個關於本地人與外國人嘅故事,暫時未有定案心儀女演員。問到張根碩怕唔怕進食驗出有致癌物二噁英嘅大閂蟹,佢話:「雖然知有衛生問題,但我個人有冒險性格,唔會理會,會照食8隻。」

是次影展評審關錦鵬話:「今次活動提醒我,《胭脂扣》將接近30年,齣戲有一半係喺澳門拍攝,令我諗番起梅艷芳好多事情。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載