蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月17日

【梁天琦雞排妹袁彌明任嘉賓】ViuTV承認hold起《矛盾2》全部唔播

159,368
最後更新: 1117 20:18 / 建立時間 (HKT): 1117 16:49

【新增影片】ViuTV節目《跟住矛盾去旅行》第一季播出以嚟夠晒gimmick,收視不錯,今年8月香港大學民意研究計劃公佈2016年第二季(4-6月)電視節目欣賞指數調查結果,《矛盾》高踞第二位,難怪未播完已經決定添食,搵嚟嘅嘉賓仲走出香港,

相關新聞:【《矛盾2》被抽起】同雞扒妹赴英法 袁彌明:未講到政治都唔播

分別有前學運領袖王丹及前港大學生會會長馮敬恩、本民前嘅梁天琦vs鄉事派侯志強、前人民力量主席袁彌明vs勇於就兩岸政治議題表態的雞排妹,夠晒「惹火」。

點知就真係「火」得滯,早前王丹同馮敬恩去日本拍攝節目後,突然遭ViuTV指二人舉行記招「宣揚港獨」,借機宣佈抽起不播,更釀成一場「公關災難」,ViuTV形象雖損,但仍毋改抽起之決定。

相關新聞:【hold住唔播】《矛盾2》嘉賓講政治 雞排妹撐太陽花學運

豈料昨日突然傳出ViuTV不止抽起馮敬恩、王丹一集,而是整輯《矛盾2》抽起!而節目監製吳繼業今日接受《蘋果》電話訪問時承認,節目原定下月播出:「係有咁打算,但我哋節目成日都會調動,會因應情況,唔係一定must。」

係咪抽起停播?吳繼業說﹕「唔可以咁講,留啲空間,研究處理中,睇吓用咩呈現方式,暫時未有任何決定。」

是否因為之前《矛盾2》王丹及馮敬恩事件,加上另一集嘉賓梁天琦等本土派人士太敏感?吳繼業稱﹕「我唔方便再講咁多。」他稱需要向嘉賓交代,至於如何交代?他稱:「都係同一個講法,係『處理中』,可能唔可以咁快見到,係有少少抱歉,但一定會處理得好好。」

已經完成同雞排妹去英國及法國嘅拍攝部分嘅袁彌明,接受本報訪問時亦稱:「都了解咗,不過佢哋俾唔到好實嘅答案,本身諗住係今年年尾出,但係佢哋話延遲就一定,冇講確實嘅日子。」袁彌明直言覺得好失望:「因為真係花咗好時間去拍,內容係好好睇,拍嗰陣都好多笑料,可能佢哋覺得王丹嗰單嘢,其實對觀眾嚟講係冇乜所謂,有好嘅節目,咪為佢個台挽救聲譽,佢哋將最好睇嘅節目抽咗。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載