蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月30日

【角色無知定係…】《幕後玩家》陸永未確認染愛滋 跳樓自殺亡

388,597
建立時間 (HKT): 1130 20:04

《幕後玩家》呢套劇,真係世界級——有演技令人眼前一亮嘅龔嘉欣,有「最強小三」劉佩玥,鹽花落力咁灑,仲要加埋啲大家族權力鬥爭……都未夠,無綫編劇竟然諗到用愛滋病作武器,最後害死陸永。但不可思議是,害死陸永的不是這個病,而是無知。

相關新聞:【《幕後玩家》玩曲線】整死Ted凸顯無知 陸永解話:人哋話佢有愛滋就信

《幕》劇交代黃宗澤設局害陸永,安排一名患愛滋病嘅0靚模接近爛醉嘅陸永,一覺醒來鏡頭交代陸永一夜激戰衣衫不整,再鏡頭一轉黃宗澤就話佢聽周刊將大肆報道呢單嘢,仲話該名model患愛滋。鏡頭影住一臉驚恐的陸永, 瑟縮天台一臉無助,黃宗澤步步進迫,話陸永「瀨嘢」,「橫掂都係死」,「一係柄埋自己等死,二,橫死掂死,返去搵佢(陳煒)報仇!」

咩都未驗,空窗期都未過,就知自己染上愛滋?然後,更絕望得打晒俾身邊人講定遺言,然後一死了之——在至摯親目送下。無綫劇集常用套路,就係重要角色死前,通常都會集合一大棚人「目擊」、勸解,你一言我一語製造張力。陸永跳樓這場戲,成功集齊黃翠如、蕭正楠、張繼聰、李成昌等人搵到陸永然後趕及喺佢跳之前,一齊說出下對白:

陸永:我瀨嘢喇,我有愛滋呀!啱啱先想同阿Da(糖妹)一齊,我喺出面瀨咗嘢喇!我抵死呀!
張繼聰:一齊拆掂佢啦!
陸永:我從未試過咁憎我自己!我邊有面目面對阿Da?我真係想企番起身,但係我做唔到。我真係好攰!我真係好攰!
黃翠如:我哋平平安安開開心心就夠!
陸永:平平安安?開開心心?我冇呢個機會㗎喇!你哋照顧自己!

然後陸永就從天台一躍而下,正好跌在黃宗澤車上……

八十年代劇情?

「關懷愛滋」就《幕》劇噚晚一集劇情,於傍晚發聲明,全文如下:

「就無綫電視29日晚的劇集《幕後玩家》情節,關懷愛滋作出以下回應,大眾若懷疑感染愛滋病病毒,在未檢驗前,應保持冷靜,不要驚慌,即使測試證實感染愛滋病病毒,只要及早接受治療,生活與一般人無異。感染愛滋病病毒可以沒有病徵,所以不可憑外貌判斷及誤信別人,本機構重申及早測試才是惟一確診方法。本機構亦希望傳媒應該發放正確愛滋病資訊,避免引起大眾誤會及加深對此病誤解。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載