蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年12月01日

【打開天空】棄月入七位數逃離娛圈 陳建穎自認聲靚紅唔起

557,083
最後更新: 1201 11:22 / 建立時間 (HKT): 1201 06:00

高峰時期曾月入7位數,更有機會接拍內地中央電視台的劇集,但陳紀匡Ray(前名陳建穎)仍選擇離開娛樂圈,很好奇他離開的原因?Ray說:「我覺得唔可以淨係搵錢,我有少少搵唔到自己。」

相關新聞:【唱吧唱吧唱起它...】天后Kelly榮升兩子之母 邱穎欣打理家族生意任職溥儀董事經理

記者:倩宜、嵐山 攝影:Neo、馮峰、陳順禎

現年43歲的陳紀匡Ray(前名陳建穎),95年憑着與陳慧琳、陳曉東及邱穎欣合唱的歌曲《打開天空》而為人認識。當年甚有人氣的他,曾經試過一日出席五個活動,而每個活動的酬金均有五位數字:「都有試過7位數(一個月),依家就平均啲,以前可能係一個月好好,跟住之後嗰三個月就普普通通,但依家就係平均嘅。」Ray坦言當歌手時,未曾試過為生活費而憂心,他笑言是因為自己總會找到賺錢的方法。「仲做緊歌手嗰陣,我試過傾咗個韓國健康食品嘅代理返嚟,仲喺韓國開咗公司,請埋當地人去賣,之後因為成本太高無繼續做,不過都冇蝕錢。」

相關新聞:陳建穎恨見Kelly 借蝦餃仔買保單過橋

不像其他藝人,Ray選擇離開娛樂圈的原因跟金錢無關,他說:「我覺得娛樂圈好多嘢要等,同埋太過不受自己控制。例如當年我好瘦,嗰陣當我操FIT啲,就會有人話你肥咗好多,但到我再瘦返,又會有人問你係咪吸毒,我覺得好難去處理人哋嘅期望,同埋我唔俾人話得。」他表示自己加入娛樂圈時年紀尚輕,故很多事情不懂處理:「嗰陣個人無咩歷練,我多倫多畢業之後,唱歌就係我第一份工,所以話演戲嗰啲,好多都係一個表情,真係唔適合。」

07年於內地拍畢中央電視台劇集《香港姐妹》後,Ray便退出了娛樂圈,其後經親戚介紹下,轉行加入保險業,努力了7年,Ray現在已是位有30多名下屬的高級分行經理。「我之前嘅少少虛名,其實有幫助嘅,好多人見到我,可能個老闆都未必即刻認得我,但佢個秘書就認得,咁變咗對我嚟講有好多方便。」

Ray去年與圈外女友ViVi拉埋天窗,今年更誕下女兒Avery,現在他每日忙於照顧6個月大寶貝女。問到假若再給他一次機會,Ray會依舊選擇加入娛樂圈,還是會選擇現時生活?他說:「都會入演藝界,因為你行完呢條路,個影響力會大啲。其實我做歌手嘅夢想,除咗喺紅館舉行個人演唱會之外,就係搞一個慈善演唱會,其實依家都有人同我傾緊,最快應該出年成事。」


埸地提供:HMV(百德新街22-36號名珠城2/F-4/F)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載