蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年12月09日

【《致命復活》終極Boss…】王浩信女友被炸死 奸人黃德斌越南慘死

84,324
建立時間 (HKT): 1209 12:58

《致命復活》講萬綺雯返咗越南,望見許願樹,諗起「逸昇」郭晉安,即係「阮喬」萬綺雯個心仲有安仔,噚日嗰集講黃德斌畀藥萬綺雯食,食到萬綺雯嘔泡,黃德斌同安仔講萬綺雯自殺,令安仔揀疏遠萬綺雯……不過唔少網民關心,邊個係終極Boss多啲!?

相關新聞:【《致命復活》劇透】譚凱淇被炸死:佢嘅結局係可憐淒美嘅

今日周刊又爆劇透,先講同王浩信做歡喜冤家嘅譚凱琪,知王浩信有危險,就趕去廢車場搵對方,點知發生爆炸,譚凱琪被當場炸死。

報道又爆……另一個慘死就係「林浩仁」黃德斌,有一場講萬綺雯喺發生大火嘅貨倉暈咗,安仔走入火場救佢,令佢哋愛火重燃,安仔最終同萬綺雯復合,而黃德斌一直阻止萬綺雯返安仔身邊,呢段三角關係都要劃上句號,喺劇中黃德斌為咗唔想最愛嘅萬綺雯被安仔搶走,設計陷害安仔,最終喺越南慘死。

至於,邊個係終極Boss呢!?令安仔被困喺荒野十年,幕後黑手係邊個……報道就話據知呢套劇唔只一個終極Boss,冇特別設定,因為劇中個個自私,只為自己利益,才令安仔被綁架,謝雪心、張國強、古明華、黃德斌都係間接令安仔受苦。

咁講法又似乎冇咩可能噃,大台又叫人估邊個係終極Boss,但原來冇,呢個講法似乎講唔通噃……

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載