蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年12月17日
馬上成為壹會員

【轉合作方式】離巢後轉做導演監製 麥包出年仲可以拍《街市遊樂團》

最後更新: 1217 00:13 / 建立時間 (HKT): 1217 00:12

喺無綫做咗29年嘅麥長青,今年決定同無綫轉換另一個合作形式,唔再拍劇,目前專心拍《街市遊樂團》,講到之後工作上嘅安排,麥包噚日接受《蘋果》訪問,佢話:「其實o依家呢個合作方式係舒服,我喺1月份會返北京拍網劇,亦會幫政府拍一個宣傳短片,遲啲仲有機會做導演同監製嘅嘢,好多謝啲朋友俾機會我去試,我一直都想同唔同地方嘅人合作,真係幾舒服同受到尊重。」麥包仲話:「《街市》喺明年2月中之前會拍晒,公司話等我有期返嚟再開,好開心,曾幾何時會有人話等你開工,所以都覺得應該要多啲溝通。」

相關新聞:【唔只識演戲】商場醫生專幫「死城」 麥包出手市值翻倍

麥包話佢讀完書就入咗無綫做到o依家,唔知出面嘅世界係點樣,今次對佢嚟講,可以話係重新見另一個大世界:「睇吓可唔可以喺呢個展翅高飛,朋友俾機會真係開心,好榮幸認呢班朋友。」

不過講到底,麥包話最多謝係屋企人,佢話:「我屋企人從來係發生任何事,佢哋都百分百支持我,我捱到今日,佢哋亦都係我嘅動力,所以喺呢20幾年,無論係高低起跌,生活有幾咁潦倒,佢哋都支持同信任我,我太太有時佢都咬住牙關頂咗去都唔出聲,我先天有好媽媽,後天有個好老婆,一個男人要有承擔,唔可以令屋企人擔心,令佢哋擔心生活,所以我要做要做嘅嘢。」

相關新聞:【行姐都係緋聞女友】麥包何寶生曾傳基情 搵埋對方做伴郎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載