蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年12月17日
馬上成為壹會員

【月薪九千欠稅四萬】小朋友偶像麥包為醫老父 拍三級片籌錢

建立時間 (HKT): 1217 00:13

「怪管家」、「矇查查」、「麥偵探」,都係90年代經典兒童節目《閃電傳真機》裏面嘅角色,呢啲角色都係由麥包扮演,鬼馬得意形象深入民心,之但係點解麥包哥哥當年要淪落到拍攝三級片呢!講出嚟你可能覺得好老土,但呢個又真係事實,咁究竟係咩原因呢?

相關新聞:【轉合作方式】離巢後轉做導演監製 麥包出年仲可以拍《街市遊樂團》

今年48歲嘅麥包,原名麥長青,87年參加無綫電視《超級新星大賽》,雖然落敗但都有加入大台,90年仲被安排到兒童節目《閃電傳真機》,同期嘅主持有譚玉瑛姐姐、黎芷珊姐姐同朱茵姐姐等。節目裏面,麥包經常要扮鬼扮馬,頗受小朋友歡迎。

但96年,佢突然淪為三級片男星,接拍咗三級片《極度獸性》,戲中麥包仲要同女演員上演一幕火辣辣嘅床戲,認真該煨!

相關新聞:【唔只識演戲】商場醫生專幫「死城」 麥包出手市值翻倍

事後麥包解釋:「唉!其實我欠政府啲稅,本來預咗筆錢㗎,點知老竇要入醫院做手術,咁咪唔夠錢囉。我已經分期付款還錢,不過我份人工都唔夠我每月還嘅數目。」

據了解,當年麥包係欠稅局四萬幾蚊,以佢當時喺大台每月九千蚊嘅人工,咁有人開出咁有利嘅條件,話明佢唔使脫,所以咪接拍咗套戲囉!點知到拍攝時,電影公司就臨時加戲,咁麥包就無辜辜咁做咗三級片明星喇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載