› 選擇地區
三藩市
紐約
洛杉磯
其他美國地區
香港 台灣 北美
 
2016年12月18日

【獨家】53歲方中信晒型味 陪女遊樂園見Iron Man

最後更新: 1218 02:00 / 建立時間 (HKT): 1218 00:01

53歲「型佬」方中信近年主力北上發展,誘惑何其多,但方中信早前受訪時就話,莫可欣從來唔擔心!因為佢同《律政強人》嘅張強一樣,好鍾意搵錢,「一屋女人」老婆、8歲囡囡、阿媽同家姐,所以絕對唔會為一時興奮,而對美女動心。

相關新聞:【由不婚到變成廿四孝】方中信愛莫可欣 唔靚但人品好

呢位絕頂好男人被讀者黃先生透過《蘋果》爆相爆片影到佢陪老婆莫可欣及囡囡迦晴一齊去迪士尼樂園玩,同場仲有洪天明及周家蔚一家四口。方中信戴住黑色cap帽,襯黑色拉鏈褸,雖然打扮低調,但身型高大,唔少途人都認得佢。

黃先生話方中sir都幾cool,全程好少笑,佢話﹕「見到佢哋係有個紅牌掛喺身,應該係包咗去Iron Man個場(鐵甲奇俠飛行之旅)試玩。見到洪天明抱住個小朋友同白兵影相,之後想叫埋方中信一齊影,方中信行緊過去時,有人截停想同佢影相,但方中信耍手婉拒咗,之後就索性唔同白兵影,行返去Iron Man嗰邊方向。」黃先生話見到方中信一直陪住囡囡,反而見唔到莫可欣,而迦晴全程都好乖,即使人太多行唔郁,都係蹻住手企喺爸爸隔籬。

相關新聞:【非常老竇系列】叫囡囡學電單車玩風帆 方中信:求學唔係求分數

噚日方中信接受《蘋果》訪問,佢話:「我係同個女一齊去玩,感覺都可以喇,不過Iron man好似肥咗啲!」方中信仲透露聖誕會去北海道旅行,一家人過白色聖誕。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載