蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年12月19日

【台慶頒獎禮】鄧萃雯現身無綫做頒獎禮 回巢有機?

274,472
最後更新: 1219 00:46 / 建立時間 (HKT): 1219 00:08

【新增回應】

相關新聞:【出晒事】48歲郭少芸胸壓49歲阮兆祥 陳山聰粉彩畫着上身?

鄧萃雯喺2013年因為《金枝慾孽貳》收視低而公開炮轟無綫飛紙仔,繼而激嬲編劇周旭明及演員黃德斌,最後遭封殺嘅鄧萃雯,今晚現身無綫,與黎耀祥一齊頒發最佳劇集,似乎雙方關係正式破冰。(新聞連結: http://bit.ly/2gZymo9 )

兩個老拍擋碰頭,祥仔公開邀請雯女回歸拍劇,兩人台上對話精彩搞笑,祥仔話:「我哋都識咗好耐,只係拍檔過兩次,兩次都攞獎,之後就冇再繼續做拍檔,幾時再返嚟做拍檔先,個個希望喺熒光幕上見到你!」結果全場歡呼,祥仔仲話o依家有好多小鮮肉㗎!雯女聞言大笑:「有小鮮肉咩?」

祥仔充當高層身份,問雯女返無綫拍劇要乜要求?雯女好直接話要錢,祥仔話:「錢呢個問題我哋無綫不嬲唔講,從來都係講心,你放心,我知你搵開人仔,但人仔呢排同港紙一對一,應該冇問題。」祥仔問咁除咗錢仲有咩要求?雯女話:「我要好劇本,有一樣大家都知,我唔要飛紙仔,一定唔得。」祥仔即話:「你放心,飛紙仔嗰個炒咗,走咗,唔使擔心,我可以幫你篩選。」

相關新聞:【咁勇?】着Deep V貪靚唔黐膠紙 真空龔嘉欣:一定要對自己有信心

雯女即笑祥仔係高層,祥仔笑言自己係扮高層,跟住雯女就話要求夠時間瞓,女人要靚,又高清:「要公平啲,我出面工作十二個鐘連化妝,無綫呢樣十四鐘都得。」祥仔話要安排下,近排都拍到放早餐,全場好有人拍掌笑,祥仔話當雯女應承回巢,仲講笑話叫餐廳唔好開早餐,橫掂都冇得放,雯女話:「應該拍住我拍,我一定唔會咁樣拍。」祥仔叫雯女聽日返來簽約,雯女就話:「唔怪得個個問我,係咪返嚟拍劇!」

雯女事後接受《蘋果》訪問,佢透過whatsapp回覆:「我和TVB關係其實一直不差,公司也有找我回去幫手,還希望度身訂造以表誠意,只是期撞了和未遇到啱劇本!」

【出晒事】48歲郭少芸胸壓49歲阮兆祥 陳山聰粉彩畫着上身? 【咁勇?】着Deep V貪靚唔黐膠紙 真空龔嘉欣:一定要對自己有信心 【台慶頒獎禮】「死渠頭」村長變王子 《EU超時任務》朱千雪透nude bra煞風景 【大兜亂】大台成全? 馬國明撓實唐詩詠 洪永城唔拖翠如BB 【台慶頒獎禮】黃智雯驚嚇紅唇 人妻陳自瑤變咗樣?完全唔認得… 【恭喜三寶!】飛躍進步男、女藝人 張穎康 李佳芯眾望所歸 【台慶頒獎禮】粵語片時代三小生 曾江修哥再聚頭 周驄奪《萬千星輝演藝人大獎》 【台慶頒獎禮】曹永廉入行23年終嘗得獎滋味 奪最佳男配角 【多比,唔好喊!】《幕後玩家》龔嘉欣摘女配 喊到收唔到聲 【係愛啊!】《Do姐有問題》奪最佳節目主持 農夫即場咀Do姐 【請自己行配對白】藝人開騷前有咩搞? 大台頒獎禮騎呢嘢逐格睇 【冇驚喜囉】「刁蘭」胡定欣再摘視后 胸有成竹準備晒 【台慶頒獎禮】奪最受歡迎女電視角色 王君馨:以為係女主角先有機會 【唔係輸演技】大將之風!《EU》王浩信爭視帝輸俾《城寨》陳展鵬 抱抱道賀 【得獎提舊愛】袁偉豪眼濕濕多謝岑杏賢:呢幾年忽略咗身邊嘅人 【子聰:俾番個獎我爸爸!】《EU》王浩信《致命》郭晉安輸俾陳展鵬 網民嬲爆! 【得獎名單】《城寨英雄》掃6獎成大羸家 【眾人皆企佢獨坐】馬國明台慶又嚟天然呆 冇熱烈恭賀陳展鵬? 【喊.係釋放】如果冇獎攞點算? 龔嘉欣怕表情出賣自己 【袁偉豪眼濕濕】講明個獎前女友有份 岑杏賢淡然:我已經冇諗感情 【俾機會未攞過嘅人】展鵬做視帝!網民戥安仔唔抵:乜唔係頒俾演得最好嗰個咩? 【無綫精神】發言被硬cut!打圈催落台 連周驄個名都打錯 【沒有最低只有…】台慶頒獎禮收視歷年最低 平均收視得27.6點 【世事豈能盡如人意】30歲王君馨續約換獎失敗?龔嘉欣喊出最佳女配角 【台慶頒獎禮】《城寨》胸軍胡定欣壓軸出場 花曼晒腿戰鬥格
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載