› 選擇地區
三藩市
紐約
洛杉磯
其他美國地區
香港 台灣 北美
 
2016年12月21日

【「三奶」骨妹曝光】齊人之福!鄧兆尊孖大婆Carmen同車厘子一拖三開餐

建立時間 (HKT): 1221 12:44

「一個叫Carmen,一個叫車厘子,呢個傻夾戇,佢嚟過同我拜年,另一個係揼骨,揼揼下就揼咗返嚟,唔使吓吓去骨場,佢又諗得到喎,唔知佢慳時間定慳腳力」(新聞連結: http://bit.ly/2hRxTSm )…

相關新聞:【大丈夫係佢...】二房車厘子做形象指導 兆尊帶「三奶」骨妹買紅褸過聖誕

呢番說話係早前祥嫂講嘅,講嗰個人就係佢同慈善伶王新馬師曾(鄧永祥)生嘅大仔鄧兆尊,鄧兆尊年近半百、坐擁逾億身家,係城中鑽石王老五,身邊有兩個女友相依10幾年,分別係正印Carmen同前助手車厘子,去年更怒爆兆尊還收埋一個揼骨妹做女友。

「御女有術」嘅鄧兆尊,不時被影到同Carmen、車厘子三人行出街,不過今日有周刊爆o依家已經變成四人行,多咗之前祥嫂講嘅「骨妹」,據知車厘子由助手變「二奶」,同「大婆」Carmen相處亦冇咩問題,成日一齊現身,最近佢哋兩女夾埋一齊對抗「三奶」骨妹,報道又指,骨妹同兆尊識咗8年,近日先被確認地位,上月仲單拖陪兆尊出席友人宴會,報道形成骨妹身形略胖,有「大媽」feel。估唔到兆尊啲口味都幾獨特!

相關新聞:【「好正常啫!」】一拖三女友蒲頭 鄧兆尊:我向來做事光明正大

報道又指,今個月中見兆尊先同車厘子去工展會,跟手去灣仔接骨妹,車厘子對住骨妹都幾nice,之後佢哋再去接大婆,一行四人去食嘢,兆尊就成程墮後陪「三奶」骨妹,而大婆Carmen亦好抗拒骨妹,冇同對方講嘢,食好Carmen同車厘子夾兆尊返永祥大廈,撇甩骨妹。據知Carmen係沈嘉偉親戚,開時裝店,兆尊都有打本。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載