› 選擇地區
三藩市
紐約
洛杉磯
其他美國地區
香港 台灣 北美
 
2016年12月21日

【大丈夫係佢...】二房車厘子做形象指導 兆尊帶「三奶」骨妹買紅褸過聖誕

建立時間 (HKT): 1221 13:44

御女有術嘅鄧兆尊,緋聞女友多籮籮,01年拍處境劇《皆大歡喜》與陳彥行和鍾嘉欣傳緋聞,女優歐陽海璇則自爆與兆尊曾有一段情。

相關新聞:【「好正常啫!」】一拖三女友蒲頭 鄧兆尊:我向來做事光明正大

咁緋聞終歸緋聞,o依家大家都知道兆尊就左右逢源咁同Carmen、車厘子過住三人行嘅生活,但之前兆尊嘅媽媽祥嫂(洪金梅),就怒爆兆尊仲收埋一個揼骨妹做女友,關係七國咁亂。(新聞連結: http://bit.ly/2hFZho1 )。咁上周兆尊冇帶大婆Carmen,帶住阿三骨妹同二房車厘子去咗銅鑼灣行街買衫,而車厘子同阿三骨妹相處得好融洽,車厘子仲充當埋阿三嘅形象指導咁,幫眼揀衫,真係一對好姊妹啊!

聖誕將至,當然要買吓禮物咁o氹吓女友啦,享盡齊人之福嘅兆尊,日前就帶咗二房車厘子同阿三骨妹去咗銅鑼灣名店坊行名店,揀聖誕禮物。而佢哋一行三人就好開心咁入咗一間名店,而阿三就好快咁睇中咗一件繡上孫悟空嘅Jacket,但就拿不定主意要咩色,咁佢就同車厘子同店員商量吓啦,之後見佢試上身睇吓邊件好啲。阿三就先試件紅色,左望右望,然後佢就試綠色,最後阿三都係紅色多啲,唔知係咪真係諗住着住呢件新褸同兆尊佢哋一家人過聖誕呢!

相關新聞:【「三奶」骨妹曝光】齊人之福!鄧兆尊孖大婆Carmen同車厘子一拖三開餐

睇完褸,車厘子就同阿三去睇褲、裙咁,而兆尊全程都係身邊咁俾吓意見,阿三仲走入試身室,兆尊都企喺門口等候,認真貼心,而車厘子喺阿三試身時,依然好熱心咁幫佢睇吓仲有啱佢嘅衫,俾吓意見咁。但最後阿三都只係買咗件紅色孫悟空褸。買完衫,佢哋就一行三人咁離開,離開時見佢哋都仲有講有笑,相處非常融洽。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載