› 選擇地區
三藩市
紐約
洛杉磯
其他美國地區
香港 台灣 北美
 
2017年01月05日

【落實參加《我是歌手》】香港歌迷激動:我只得承認,我愛錯林憶蓮

最後更新: 0105 23:09 / 建立時間 (HKT): 0105 17:35

公佈了,終於都要公佈了,林憶蓮今午正式宣佈參加以「評判假‧觀眾假‧賽果假」聞名的湖南衛視節目《我是歌手》。不過今次有少少唔同,《我是歌手》易名為《歌手》,當係一個新節目推出,本月10號錄第一集,20號左右錄製第二、三集,約於本月21號首播。

相關新聞:【評判假‧觀眾假‧賽果假】林憶蓮斟參加《我是歌手》第5季 網民哭求咪去

之前已有網民估《我是歌手5》會搵邊幾個對戰,依家名單包括林憶蓮、大陸歌手譚晶、蕭敬騰領軍的獅子合唱團、光良、袁婭維、杜麗莎、張杰、林志炫等,趙雷同側田則以挑戰歌手加盟。《蘋果》向側田求證,其經理人稱洽談中,如果咁講,咁似乎周華健、孫燕姿嗰張名單比較可信。

林憶蓮依家重心市場都擺喺大陸,啱啱先至做完湖南衛視跨年騷。過去呢九個月,憶蓮去過台北、香港、新加坡、北京、深圳、南京、廣州舉行巡迴個唱,依家憶蓮又忙緊重慶及上海巡迴個唱。

相關新聞:【掩耳盜鈴】湖南衛視《我是歌手》易名《歌手》 刪粒字為避禁韓令?

今次落實上《我是歌手5》,香港歌迷當然反應各異,一定有人贊成有人反對。有歌迷留言:「由《激情》成為粉絲到現在了。一直很proud of自己是蓮迷。但要是你參加《我是歌手》這些爛節目,我只得承認,我愛錯林憶蓮。以後不要再唱《破曉》了,阿爺唔鍾意㗎。你也不再配唱這首歌。」

「她可以到中國開concert,做甚麼節目的嘉賓,不打緊,這是歌手的工作,這樣賺錢亦無不可。但參加一個出名造假的節目,都已經是歌手了(而且是殿堂級的),還要去參加歌唱『比賽』?以她在音樂界的地位,需要嗎?錢,不是這樣賺的。作為音樂人,應有其專業操守;作為一個人,要有風骨。」

也有人留言:
「當大家都唔買 CD 嘅年代,其實歌手都要食飯的,因為唔鐘意大陸,就鬧所有返大陸搵食嘅藝人,同大陸人嘅作風有咩分別?」

「唉……參加大陸啲咁既鬼節目……慘不忍睹。」

「Sandy你唔使上去呢啲假比賽去證明自己。」

「點解個個都咁反對你參加呢個節目?因為大家都覺得呢個係同時破壞你名聲、歌迷期望同音樂專業嘅災難性決定。因為呢個決定,會令你以後同一眾為錢賣靈魂嘅偽人一樣,過去努力建立嘅一切都無人會在意,希望你三思,珍惜所有。」

「成個騷好核突!參賽者鬥瘋狂叫囂!觀眾莫名奇妙地大哭大叫!還有不斷重複的植入式廣告!内地歌迷會buy但sorry這絕對不是本地歌迷那杯茶!」

「身為忠實粉絲,真係心痛不已。」

「請求不要去」

「劉德華,張學友,郭富城邊個冇返大陸搵食?」

「幾好吖,睇嚟已經吸納到好多贊成參加呢個樂壇盛事嘅新支持者,可以換走不能與時代同步又固執嘅瘀血歌迷。」

「雖然對節目有所保留,但是支持她的選擇,讓我們有機會欣賞不一樣的林憶蓮!」

「 呢啲叫囂節目真係不敢恭維,個個台上如果唔x叫唔收貨,好難認同強國人嘅音樂品味。」

「希望憶蓮不要去,但最後也會尊重她的決定。」

「愛是完全相信你的決定!大大的表演!大大的支持!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載