蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月11日
馬上成為壹會員

【「陰謀」變「陰毛」】利智當選亞姐被噓爆:大家憎我,因為我係大陸人!

建立時間 (HKT): 0111 00:02

利智,原名「利痴」,佢形容自己喺感情方面係「痴情型」,一係唔愛,一係就全情投入。

相關新聞:【有情有義】傳為救利智預支3600萬片酬 李連杰:唔想再提

1961年大除夕出世嘅利智,1981年來港喺傢俱店做售貨員,之後去美國讀工商管理,但未讀完,就於1986年返港選亞姐,決賽喺皇后像廣場舉行。一宣佈利智摘冠軍,台下傳來一片噓聲。

利智曾謂,「佢哋針對我,因為我係大陸人。」
「你想我死,我偏唔會衰俾你睇。」
「我係人,我嘅感受同其他人一樣。我係有感覺嘅。」

相關新聞:【語出驚人】利智金句:話自己係處女,人哋淨係覺得你笑死人

張國榮一次受訪時曾透露,利智同佢講過,佢最怕噓聲。
當年試過拋帽落台,結果俾人掟番上台嘅張國榮話,唔怕,啲人噓到攰,就會唔噓。後來,利智以「噓聲中成長」為榮。

那些年,啲明星好鍾意掟蛋糕,張國榮試過因為咁,喺阿梅生日會上不歡而散。87年,利智出席《千粒星慈善演唱會》,周潤發同曾志偉本來互掟蛋糕搞氣氛,利智做「公證人」,點知整整下變成發哥用蛋糕躓利智,令利智當眾受辱。事後更缺席慶功。

後來利智話,事發之時堅係嬲,台上要保持自尊,又斥志偉發哥佢哋玩得太過份。

關於利智,當然仲有佢嘅廣東話,當年誤將「陰謀」讀者「陰毛」,就連鄧碧雲、沈殿霞主演嘅《南北媽打》,都有借林建明影射影射。

關於利智仲有一樣嘢,就係醋勁。雖然好多年前(91年)利智講過「三人世界」——即係如果戀上人夫會點。當時佢話,如果兩公婆係冇問題嘅,佢點都介入唔到;相反,如兩公婆感情關係生變,而個男人又值得佢愛,佢會繼續去愛。調番轉若然佢係太太,老公出軌的話,當年嘅利智話會成全。

但事實上……利智嘅醋意,據聞好勁,所以李連杰同佢一齊之後,一直同異性保持距離,逢合照都係雙手插袋或者擺身後,就連搭膊頭都唔會,如果一定要佢咁做,係OK的,但隻手要凌空。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載