蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月18日

【木村領先】草彅剛《謊言的戰爭》收視升 松隆子回歸劇開播僅收9.8%

9,687
建立時間 (HKT): 0118 10:36

2017年首季日劇收視大戰已經開鑼,SMAP解散後兩位成員木村拓哉同草彅剛各有新劇對撼,木村主演嘅TBS重頭劇《A LIFE~深愛的人~》首播收視為14.2%,創下木村主演劇集開播收視最差紀錄,但暫時仍然係今季日劇收視冠軍。反觀草彅剛新劇《謊言的戰爭》首播都有11.8%收視,昨晚播出一集更收視上升0.2%,平均收視有12%,瞬間收視上升有13%。

《謊言的戰爭》故事係講主角一之瀨浩一擁有過目不忘記憶力及聽力,靠花言巧語成為一位職業騙子。浩一家人在30年前遭遇不幸,表面是父親殺死母親及細佬後自殺嘅倫常慘劇,但其實係早有預謀嘅謀殺案,只有當時9歲嘅浩一目睹凶手,多年後佢學得高超騙人手法,再遇真凶為家人報仇。草彅剛今次拍住水原希子、山本美月合作發展出複雜感情關係,更有咀山本美月鏡頭。

至於木村昔日好拍檔松隆子今季都效力TBS電視台,新劇《四重奏》係佢相隔5年再擔正連續劇,可惜噚晚開播9.8%,認真失威。其實《四重奏》係緊接TBS上季同時段劇集《逃跑雖可恥但有用》播出,松隆子今次飾演提琴手,夥拍滿島光、松田龍平、高橋一生演繹一段冬季愛情故事。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載