蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月06日

【不斷更新】魯芬今晨猝逝 余慕蓮稱魯芬無經濟問題

1,672,182
最後更新: 0206 20:23 / 建立時間 (HKT): 0206 03:28

【新增回應】本月2日,魯芬好友向《蘋果》報料稱,63歲魯芬因皮肌炎,免疫系出問題致留院,還需插喉,甚至已認不得人。同日魯芬致電回覆本報報平安稱:「多謝,有心。身體健康!」又稱現時「暫時情況OK,多謝關心。」並謂對於好友關心表示感激,笑稱:「哈哈,好有愛啊,感恩!」

豈料事隔不足一周,突傳魯芬病逝消息,令人惋惜。

2000:余慕蓮與魯芬相交數十載,她稱過年前曾致電對方,始知其病情嚴重。魯芬向她說:「我醫咗成20幾萬都未好得番,希望新十五好番,約你哋出嚟見下面。」豈料一別成永闕。問余可知魯芬生前有否經驗問題?她稱:「佢好多戲拍,又有廣告又有登台,仲有屋企人,自己喺元朗又整私房菜,幾千蚊一圍,好多瓣。」

問到相識多年最難忘是甚麽?余慕蓮慨嘆:「冇乜,我都唔記嘢,腦退化,乜都唔記,得閒去睇大戲搵娛樂,做人好化!」

1530:魯芬姪女接受《蘋果》訪問時憶述,數月來魯芬進出醫院,及至年三十晚(1月27日)早上不適入院留醫。張小姐稱:「前期佢住咗兩個月私家醫院,醫藥費唔算多;到中後期,佢轉咗入博愛醫院,佢生前成日幫博愛籌款,係博愛之星,留院期間,醫護人員對佢好照顧。佢當日入院係清醒,只係呢個病一發燒就好危險,手尾長,留院期間嚴重咗,佢都好聽醫生姑娘說話。」阿Ling表示魯芬都沒想到自己不敵病魔。

至於魯芬心願之一,就是希望把皮肌炎訊息帶給大家:「佢次呢個病係類風濕關節病,會影響肺功能,佢入院就出現肺纖維化,本來都可以維持兩、三年,但佢情況急轉直下,呼吸都出現問題,後期醫生有配合落藥,等佢舒服啲,所以佢唔算辛苦,但落咗藥佢會攰啲。」

1330:魯芬的家人於魯芬facebook度撰文悼念,內容大致指,魯芬從不介意角色輕重,都以專業態度演活,為觀眾帶來無限正能量,可惜魯芬不幸患上香港罕見的皮肌炎,仲話魯芬得知病的罕有性及嚴重性,希望自己痊癒後可以分享,並鼓勵患者要積極面對。魯芬更將自己患病比喻為「導演o依家要我演呢個(病人)角色,我揣摩緊點樣演好佢。」更面帶笑容安慰家人朋友「冇事,同佢死過!」

1259:演藝人協會回應稱:「魯芬是協會會員,對她的離世感到婉惜,現正聯絡其家人看看是否需要提供協助。」

1048:鄧英敏:普渡圓滿!早登極樂 ! 永遠懷念魯芬姐

1013:魯芬好友張先生今早回覆電話:「昨晚收到通知,魯芬約00:05分離開,好唔開心!呢幾日因為開工,所以冇探佢,其實佢傾唔到偈,WhatsApp都冇應機。年初五最後一次見佢,當時佢插晒喉,面色差咗好多,我叫佢,但佢眼都冇開,可能辛苦或藥物影響瞓覺,姑娘話要打鎮定劑,都知情況唔係幾好!」

姪女張小姐今晨接受《蘋果》訪問時難掩悲痛,但仍保持冷靜謂:「我很愛她。」,又稱:「唔好意思,我哋唔做訪問住,依家忙緊,聽日先講。」並謂魯芬離世時,親人一直守在身邊,遺容安詳。

張小姐續說:「唔好難過,記住佢嘅開心笑臉。」至於魯芬生前是否有未了心願,她說:「沒有。多謝給予空間,夜了,早點睡。」魯芬生前好友、藝人劉少君亦稱已收到魯芬家人透露好友離世的消息。

0327:凌晨3時許,魯芬家人發聲明,證實魯芬死訊。全文如下:

「魯芬BB因皮肌炎導致肺部衰竭,於今日凌晨時分在家人朋友陪同下安詳離世,終年63歲。

魯芬BB於十個月前患上皮肌炎,從得知自己患病後,她都一直勇敢面對,對戰勝病魔充滿積極樂觀態度。

感恩各界的愛與關懷,適時公布喪禮安排。

願魯芬BB早往佛國淨土。喃嘸阿彌陀佛!

魯芬BB的家人字
6/2/2017」

烈火奶奶,一路好走。

【我大聲唔代表我冇禮貌】契爺董驃帶入行 魯芬專演惡霸山東婆 【處女作《女子監獄》】愛靚魯芬「山東婆」奠定惡女地位 從不推劇本 【愛讀瓊瑤小說】魯芬15歲初戀6呎3型男 狠撇娘娘腔追求者 【大陸出事】魯芬懷疑拍劇住骯髒酒店致患皮肌炎 影響免疫力 【高登女神】豁達魯芬不介意被玩:陳法拉都係贏我少少 【魯芬今晨病逝】一生未婚為穿婚紗興奮 姪女:記住佢嘅開心笑臉 【飲山東奶水大變魁梧】魯芬入女廁被趕 挺起胸膛反擊:我係女人! 【最後露面體重暴跌】魯芬為善最樂 情人節唱歌助慶氹公公婆婆 【晒半鹹淡廣東話】光洙孖魯芬扮鬼扮馬 拍糖果廣告勁受歡迎 【鄧英敏作詩念故友】稱魯芬快樂始於童真:佢好似細路女咁,影相擺好多甫士 【路見不平】魯芬為幕後人員發聲:洗廁所係厭惡行業,我好尊重佢哋! 【識於少女時代】Cosplay扮孖公仔 黃夏蕙歎魯芬病重期間:佢唔俾我探佢 【肺部纖維化抗戰十個月】魯芬最後的日子 家人悼念:願你安息,來生再見 【「醜」字點寫?】「三姑」苑瓊丹悼烈火奶奶 【再見魯芬】污糟酒店致皮肌炎?醫生:處理不好會致命 【魯芬大方爽直】李家仁醫生憶合作拍廣告點滴:真係好可惜 【請記住經典時刻】烈火奶奶嗌交出色 魯芬最叻扮烏蘇拉 【沒想過離世】魯芬病倒當練戲 姪女阿Ling:佢入院時清醒 【同為高登女神】謝安琪難忘開心果魯芬:多謝佢為大家帶嚟歡樂 【「佢冇諗過同死亡有關」】71歲邵音音惋惜魯芬:我以為要走嘅係我 【與魯芬齊名.專演惡人】「大儍」成奎安先走一步 鼻咽癌離世 【捧為女神】高登仔不捨魯芬離世:如果係假新聞就好喇 【無法實現的承諾】難忘那一個晚上…魯芬欠阿Sa一餐上海菜 【藝人北上恐慌】魯芬發病前曾住大陸污糟酒店 黑心棉被得人驚 【耗廿萬醫病】心痛難言 余慕蓮不忍憶魯芬:腦退化,乜都唔記 【魯芬病逝】項明生讚有愛心:佢成日低調做慈善 【魯芬病逝】皮肌炎可攻擊肺部 半年內死亡率高達50%
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載