蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月13日

【獨家】樂壇情侶變兄妹 黃寶欣鄭敬基首唱《酒杯敲你個頭》

172,848
建立時間 (HKT): 0213 00:01

絲絲情話固然感動片刻,但點點關懷卻是一生一世。一首當年熱爆的《酒杯敲鋼琴》,將鄭敬基(Joe)和黃寶欣拉在一起,這對音樂情侶當年合作無間朝夕相對,甚至連外人也認定他們是一對,卻始終沒有過電。做不成情侶,但彼此早認定對方是密不可分,猶當兩人面對婚姻失敗或逆境時,同樣義無反顧助對方渡過難關。
記者:小米、倩宜 攝影:吉吉、Meng、林德雄

相關新聞:【了解到喊】拍檔變智囊 黃寶欣全心「十卜」鄭敬基

鬼才林振強填詞的《酒杯敲鋼琴》,當年阿Joe和寶欣未有認真思考意思便唱,卻意外爆紅,在加連威老道任何一間時裝店,都在播放此曲,間接將兩人塑造成樂壇情侶。適逢情人節,阿Joe和寶欣接受本報訪問,除即場首度演繹惡搞版《酒杯敲你個頭》外,還細訴二十多年前的往事。

「老友話,你同黃寶欣冇嘢?打死我都唔信啦!」阿Joe笑說。當年他們在廣州、美國登台表演開騷,衣食住行全在一起,熟絡到連最親密的事情都會傾訴。寶欣說:「嗰陣時如果有狗仔隊呢,我諗都會拍到我有嘢。我成日去你屋企,佢彈結他,我唱歌,咁就一個下午。」問到兩人可有追求對方,阿Joe邊搖頭邊笑說:「你啲腳趾好短!」實情是,寶欣性格太豪爽,並不是阿Joe喜歡的一類。
他又大爆寶欣身材嬌人,當年跳舞時經常碰到對方:「如果嗰刻先追求,人哋就知道我淨係鍾意佢身材,唔係鍾意佢個人!」

情侶做不成,阿Joe和寶欣卻情同家人,彼此替對方渡過無數次難關,無論感情上抑或生活上。阿Joe說:「我諗我第一個難關就係婚姻失敗,令到我前妻好唔開心。佢走咗去邊度呢?佢(寶欣)屋企。」硬淨如寶欣,也有眼淺時候:「收留咗佢(Joe前妻)一段時間,因為真係好friend好friend,佢喊我就一齊喊,佢唔開心我就一齊唔開心。嗰段日子係好難過嘅,唔好話我幫過阿Joe,我淨係知道佢需要我嘅時候,我喺佢身邊啦。」世事如書,多年後寶欣同樣遇到婚變,這次換轉由Joe充當「擺渡人」,寶欣說:「我去多倫多搵佢,佢係真係陪足我七日。好似狗仔咁,朝頭早起身,問我你起身未呀?喺度陪住我、開解我。因為佢嘅經歷,令到我都需要一個正確正面嘅思維,去處理我嘅事情。」

每次寶欣有重要決定,都會事先找阿Joe商量,好像近日開餅店,阿Joe也給予不少意見,稍後還有機會一齊搞生意,她說:「其實我哋都係初步傾咋,可能未必係餅店,可能係餐飲方面都有機會合。」

最後,問兩人對方給予自己甚麼感覺,阿Joe說:「我驚我講佢會喊,其實我覺得寶欣係一個好脆弱嘅人。」寶欣猛點頭和應:「佢真係好了解我,死啦,可能我自己都未咁了解自己。但係你叫我講番鄭敬基呢,我唔識講。只不過我知道佢係一個好朋友,係好好好好嘅朋友,咁我就會全心全意支持佢。」

《酒杯敲鋼琴》歌詞意思,大概就是當一個人失意時,有另一人支撐着對方。這首歌,註定由他們來唱的。

場地:Futurus Gourmet

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載