蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月14日

【大龍鳳】莊思明飛甩大台「嫁」新公司 收三卡鑽戒

106,557
建立時間 (HKT): 0214 16:12

離開大台嘅莊思明,決意勇闖樂壇,前晚Apple姐嘅公司帝皇娛樂,喺紅磡舉行嘅新歲晚會。晚會上搞咗個好似婚禮咁嘅簽約儀式,迎娶莊思明,仲送咗3卡鑽戒做見面禮畀思明,認真大手筆。

莊思明收過鑽戒簽約成為歌手,佢話:「今日先知佢準備3卡鑽戒,係一個合適年期,唔會太耐,電影音樂為主,搵緊人寫歌。Apple姐想我歌路走韓風,性感適量,着下熱褲。」

咁男友楊明批准?佢話:「佢夠成日除衫拍劇,佢講咗要事先講聲!正如我叫男友拍劇事先講,拍親熱戲之前要講,唔好等播我先知,我會迫佢一齊睇,佢話我變態。」

莊思明同楊明愛得癡纏,多次被問到幾時結婚,咁做歌手嘅合約有冇訂明唔可以結婚?莊思明話:「公司唔介意,反而怕我突然生仔,唔會唔小心,合約期內唔會,公司話結婚OK。」

莊思明聽日15號生日要開工,咁今日情人節點樣過呢?佢話:「會煮飯畀男友,神秘餐單,食完應該冇事,有事都唔會入養和。」講到準備咗咩禮物?佢話:「生日男友送咗隻Rolex,冇諗過係咁珍貴嘅禮物,我望吓佢份禮物,都覺得唔好意思,下個月佢生日,我就要再諗過。」

此外,Apple姐男扮女裝台上迎娶莊思明,Apple姐男友麥德羅搞笑話:「頭先想反對,俾人截糊,o依家啲人一時男一時女,我好想喊,今晚要借酒消愁。」即時被問到婚禮嘅事,佢話:「出年60歲先搞,今年我都係59。」咁到時會唔會大搞?Apple姐話:「一定會大搞,勁過莊思明。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載