蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月25日

【嫁初戀情人】入鄉隨俗掛金豬牌出嫁 鬼妹陳明恩:感激遇到好男人

191,368
建立時間 (HKT): 0225 16:46

陳明恩今日跟初戀男友鄭獻(Eddy)喺屯門黃金海岸戶外草地舉行婚禮,鬼妹仔明恩手戴三對龍鳳鈪,頸掛金豬牌,身穿裙掛同新郎Eddy到達婚宴場場,儀式前佢哋一齊接受傳受訪問,明恩話朝早就做咗中式斟茶儀式,由媽咪幫佢穿上裙褂,佢話媽咪都覺得好特別,問到今朝有冇感動到喊?明恩話:「今朝冇,不過噚晚見到嚟自澳洲、新西蘭、日本各地親友時,就感動到喊囉!」

明恩話,佢哋計劃婚後先享受兩年二人世界,之後先生BB。問佢覺得老公有乜吸引嘅地方,佢就即刻攬實老公喊住話好感激遇到我心目中好男人,跟住再話:「佢跳舞叻、靚仔同對工作認真。」至於新郎哥話自己尋覓多年,能夠再遇上可以結婚嘅初戀女友明恩,佢仲話佢哋係識咗兩年先拍拖。至於度蜜月會留待招呼完來港親友後先起程,而地點暫時保持神秘。

儀式係下午二點半開始,換上婚紗嘅明恩喺父親邊唱歌邊陪同下步入場,新娘子已感動得流淚,明恩父親將女兒交到新郎哥前,真摯地說出:「我將最珍貴女兒交畀你。」一對新人同現場嘅親友齊唱詩歌,而明恩宣誓時再度落淚。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載