蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月01日

【add即時.尚】金像獎提名最佳新演員談善言:我最叻係幸運

9,611
建立時間 (HKT): 0301 20:00

影圈新人談善言(Hedwig)的處女作《點五步》獲金像獎提名的最佳新演員,25歲的她由模特兒變做演員,入行時被稱文青女神,最近為慈善電影把頭髮剃掉,skinhead造型令女神幻滅,卻意外地發掘了的她的另一面。

談善言早前為拍攝慈善電影《告別之前》,因飾演腦癌患而把頭髮剃掉,為藝術而犧牲,這個skinhead形象,意外地令她的形象更加突出,有型有格。

上年她首次踏足影壇,接拍由新晉導演陳志發執導的低成本勵志電影《點五步》,電影獲今屆金像獎8項提名,而她亦有份角逐最佳新演員,「有份提名已經好開心,坦白講我冇信心可以攞獎,有提名已經係對自己一個肯定,令更多人認識我,我希望胡子彤(點五步的男主角)會贏,其他對手好似坤哥(吳業坤)同余香凝都演得好好。」

娛樂圈每年新人輩出,等一個機會短則幾年,長則要等上一輩子都未必會遇上,對於一位新人來說,談善言是比較幸運的,機會接而來踵,「講真冇諗過套戲會咁受歡迎,有份參與已經好幸運,呢一行好多人都好畀心機,但未必會畀人見到,我識好多同學都做得好好,但佢哋冇我咁好彩,相對呢方面我比較好彩。」

她績說:「我最叻係幸運,之前都唔係做model,我本來係做dresser,係有模特兒公司嘅人問我有冇興趣做幕前接吓job,做model時試鏡又cast中拍港台劇,之後又有朋友問我有冇興趣去電影試鏡,嗰時都唔知《點五步》係一套會係咁多戲院上嘅電影。屋企人都好放心我去做我想做嘅事,基本上都好少過問,知我可以自己搞掂,不過我知媽都有同朋友親戚講阿言拍咗邊套戲,而我阿爺就最開心,會將我雜誌嘅相一本本咁儲起。」

今次獲金像獎提名,亦燃起了她對電影的一團火,「提名之前我冇乜目標,之前只係想係呢行默默生存就ok,我相信今次上台嘅機會唔大,之前都冇諗做演員為終身職業,但今次提名後希望有一次真係可以好有信心咁上到台,可以同大家講聲多謝。」

更多時尚、美容新聞,即上: http://add.appledaily.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載