蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月06日

【全新節目編排】加推本地劇集 火火KB殺入亞馬遜做真人騷

11,434
攝影:仇志德(蘋果日報)
建立時間 (HKT): 0306 18:02

ViuTV今日於尖沙咀一間酒店舉行「全新節目編排」發佈會,負責主持嘅駱振偉同黃心美喺台上你一句我一句話:「無論有線定無綫都好少睇,不過我哋唔係想比較,ViuTV係想做到真正香港人想睇嘅電視台」。

相關新聞:【好想聽喎!】每晚主持5分鐘音樂節目 林雪:我成日唱歌

之後就開始介紹嚟緊嘅劇集同實況節目,劇集方面,嚟緊4月3日將會播放由韓星韓孝珠同李鍾碩主演嘅外購劇《W-兩個世界》,女主角韓孝珠仲為今次拍片介紹呢套劇,佢仲叫大家留意ViuTV;而本地劇集就有朱凌凌自編自導自演嘅《午夜伴廊》及廖碧兒主演嘅《瑪嘉烈與大衛系列 前度》,現場亦有播放劇集片段,女主角之一嘅袁澧林就話自己係《瑪嘉烈與大衛》系列嘅fans,知道自己要演年青版瑪嘉烈佢都有睇番前作同原著小說。

而實況節目方面就有《全職媽媽放大假》倪晨曦、梁諾妍、黎紀君,倪晨曦仲上台分享:「今次好難忘,兩個小朋友好乖,但有時太趕時間返學,小朋友啲褲都掉轉咗嚟着。」而黎紀君同梁諾妍一齊照顧四位小朋友,梁諾妍就話:「每晚都同4歲大嘅小朋友一齊沖涼,仲要幫佢洗底褲,除咗幫自己洗佢係第一個。」而黎紀君就話第一日已經搞到壓力爆煲。之後,又介紹另一個實況娛樂《精裝送禮仔》主持有王志安Otto、強尼、小占等等,佢哋喺節目中會周圍送禮,仲會嚟搵嚟話題性人物做嘉賓,當中包括黃夏蕙、宮雪花、河國榮、王維基等等。

相關新聞:【4月大革新】ViuTV去年蝕1.83億 金廣誠:今年繼續製作好多劇集及節目

之後河國榮仲上台唱歌,仲有ViuTV幾位主持伴舞,而為ViuTV主持《林說金曲》嘅林雪上台就話:「都唔郁嘅(主持),好似打X咗麻醉藥咁!」之後佢即時遮口話「sorry」知道自己講錯粗口。再到少爺占、當奴上台宣傳佢哋主持嘅《黑料理》,少爺占仲話「我哋今次真係好賣命,o依家做完都要返去拍,每一集都要拍3日,不過只係播半小時」佢仲講笑話ViuTV好似邪教,令到所有人都仆心仆命。最後就有火火、KB主持嘅《Bad Trip》佢哋會去到亞馬遜同當地人互動,仲會去到昆蟲雜會,宣傳片都甚為嘔心。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載