蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月19日

【又「河蟹」】青天白日滿地紅旗變「紅旗」 網民曲線抽大台:強烈要求將支旗改為五星旗

115,870
建立時間 (HKT): 0319 12:52

大台,吖!唔係「CCTVB」先啱,佢哋嘅「河蟹」事件都屢見不鮮,噚日佢哋又嚟料!講緊嘅係噚晚出街由區永權、曹永廉、姚嘉妮主持嘅《玩轉香港日與夜》,話說噚晚第一集嘅主題係「潮遊」西環單車之旅,咁當中CCTVB節目梗係離唔開食O架啦!

三位主持仲去咗,西環介紹咗間食台灣菜嘅食店,嗱嗱嗱!唔好諗多咗雖然梁特做咗全國政協副主席,「西環」呢個名係冇敏感成份,所以係冇被「河蟹」。而被「河蟹」嘅係台灣嘅青天白日滿地紅旗,話晒呢間食店係台灣人開,仲要係食台灣菜,咁有呢支代表到台灣嘅旗幟好正常吖!

不過咁就有問題啦!大家都明「CCTVB」嘅「CC」stand for咩o架啦!今次涉及中、台問題喎,其實喺呢間食店嘅fb同ig都見到佢哋嘅制服同店舖入面都印有「青天白日滿地紅旗」嘅logo同旗幟,大台已經好高技巧咁blur件制服,而掛住嘅旗幟仲變埋紅旗o添!本應都唔係好兜覺眼,只不過好衰唔衰主持之一嘅曹永廉大晒佢「世界級」嘅國語,而佢個位咁啱大大枝旗同個店員棟咗喺度,見唔到就奇啦!

今次「河蟹」事件,有唔少網民討論,仲有人話:「強烈要求CCTVB將支旗改為五星旗」「其實中央台使吾使咁敏感,咁新聞都要打格」「為了照顧“玻璃心國人”嘅感情!」


《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載