蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月20日

【與劉愷威一年見得幾次】楊冪疑有喜?老爺劉丹都唔信

235,731
最後更新: 0320 19:31 / 建立時間 (HKT): 0320 18:07

(新增回應)

劉愷威同大陸女星楊冪於2014年結婚,婚後誕下女兒小糯米,但兩夫婦各顧各拍劇,經常分隔兩地,見面機會少之有少,只係大時大時節先會見小糯米一面。

今日竟然有網民影到楊冪現身南京一間母嬰保健院,相中見楊冪戴住帽同口罩,全身包到冚,行動都幾閃縮。

該網民仲問點解會去新生兒病區呢?係咪要同小糯米添個弟弟或妹妹?不過,有唔少人質疑楊冪同劉愷威咁少機會見面,如果咁都可以造人成功,咁就真係「百發百中」喇!但亦有人懷疑係同楊冪有9成似嘅替身啫。

楊冪工作室今日承認相中人係楊冪,但就冇回應係咪有咗,只解釋楊冪跟住要拍一部有關醫護題材嘅電影,為咗做多啲準備,所以專登去醫院體驗生活,仲話﹕「為更好的理解角色努力,很投入很開心,身體也棒棒的,謝謝大家關心了。」

「小糯米」嘅爺爺劉丹今日喺將軍澳出席處境劇宣傳,提起孫女佢即刻笑咪咪,話拍劇唔使開通宵,所以每日返到屋企仲可以見到孫女同佢講聲Good Evening,丹爺話﹕「幾開心、幾冧。」有指楊冪現身母嬰院,劉丹話﹕「佢成日捱夜,check吓身體係應該。」想唔想再抱孫?丹爺哈哈笑話﹕「唔到我話事,隨緣啦,唔會催,有一個湊住止住癮先。」大家都讚劉愷威好孝順,丹爺就一時感觸咁話﹕「我爸爸媽媽走咗之後,有時都諗佢哋喺度時自己係咪做得唔够好,所以我成日叫年青人孝順父母。」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載