蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月25日

【姊弟戀冇好下場?】《春嬌》新預告玩黑絲 楊千嬅制服誘惑余文樂

16,122
建立時間 (HKT): 0325 16:21

楊千嬅同余文樂主演嘅《春嬌救志明》將會喺下個月27號上映,佢哋亦開始為呢套戲進行宣傳,原來7年前嘅今日係《志明與春嬌》首日開畫,於是電影公司今日專登喺fb官網上載《春嬌救志明》嘅全新預告片,喺預告片裡面,除咗聽到閨蜜爆粗講金句之外,仲見到千嬅大玩制服誘惑!

千嬅同樂仔呢段姊弟戀因為蔣夢婕嘅出現而受到考驗,中間又穿插咗做千嬅老豆嘅秦沛,最後揀咗個o靚妹奉子成婚,搞到千嬅覺得佢同樂仔之間嘅最大問題,就係佢同佢爹哋都係同一類人!谷祖琳、陳逸寧同林兆霞呢班閨蜜知道亦之後,個個扮專家同千嬅分折兩性關係,爆完粗再玩金句:「滑咗啞,男人試得多,就算幾好食都會覺得厭,何況你有幾好食,自己都知!」、仲有:「小不忍,含得X」,谷祖琳又同千嬅玩曖昧,一早忠告姊弟戀冇好下場,摸住千嬅塊面叫佢同返佢一齊!

不過成個預告片嘅重頭戲梗係千嬅對住樂仔玩制服誘惑,睇到千嬅著住護士制服兼著黑絲,結果有冇下文?睇怕要入場先知有冇受引誘!

千嬅同樂仔之前喺啲訪問裡面,亦曾經講過呢個制服誘惑嘅戲,樂仔好抵死話:「佢喺度左撥右撥似乎唔係太好囉,好似去咗茶餐廳坐咗好耐叫咗碟餸,個阿姐又係咁望住你,但係你又唔埋單,撥到點餸亂晒又唔食,凍奶茶啲冰又溶晒,如果唔要咪早啲同人講囉,但係唔好覺得唔啱你又走去試兩啖!」千嬅忍唔住話:「呢個比喻好強勁,真係食家!」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載