蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月29日

【劉鑾雄講大劉(1)】獨家 千億富豪劉鑾雄 24歲問家傭借錢入院割膽

922,303
最後更新: 0329 17:36 / 建立時間 (HKT): 0329 00:02

(新增內容)
劉鑾雄,股壇狙擊手,華置前任董事會主席兼行政總裁。風扇廠起家,人稱「大劉」。前妻是寶詠琴,去年11月再婚,娶陳凱韻(甘比)為妻。

大劉,真名劉鑾雄,以出手闊綽見稱,動輒送物業送珠寶送Hermès,家眷工人都受惠。金句不絕,最叻幫人改花名,明星女友無數。不過俱往矣,大劉已經找到最後一個女人——甘比陳凱韻。

就咁睇,「大劉」的生活,好似比「劉鑾雄」精采得多。

廣大市民對「大劉的故事」需求甚殷,但「大劉」其實一粒聲都冇出過,因為真人根本未有接受訪問。

由今日(29日)開始,《蘋果》娛樂呈獻一系列「劉鑾雄講大劉」,大劉首度接受傳媒訪問,由孩童時期講到最後一個女人甘比。

第一集,先由大劉曾因為冇錢出院而痛哭講起。

曾經有報道指,成為千億富豪之前的大劉,在外國讀大學期間學人追女仔,但又不夠錢,要問同學借錢。

是真是假?大劉本人親自說:「一定,完全,絕對冇!」

「第一,我喺多倫多住嗰陣時有追下女仔,家姐細佬妹喺度,如果我手緊,隨時可以同佢哋借,使乜同其他人借?」

「第二,當時個個學生都好窮,租房係20幾蚊加拿大紙,邊個借到畀我哋?而且我喺溫莎大學讀書嗰陣,驚畢唔到業,所以好俾心機讀書,嗰時已經有固定女朋友,冇話四圍追女仔。」

「我肯定同你講,我喺多倫多嗰幾年,同溫莎嗰兩年,完全冇試過問任何一個同學借錢:同埋我阿媽好錫我,我做嘢又好小心,當我啲錢仲有十日八日用完,我已經打電話畀佢,快就兩日,慢就三日,一定會到。」

【「我未試過買二手車」】
當年大劉因為出手闊綽,又經常請人食飯,在華人學生圈子本已頗有名氣,好多女孩子主動想認識,根本毋須花太多錢追女仔。大劉也說:「因為阿媽(劉葉淑婉女士)錫我同縱我,錢好鬆動,嗰時使幾錢,其實好細數目。而且當時嘅環境,點使用錢?因為我架車好靚,全多倫多唐人街最靚嘅車。事實上阿媽好縱我,唔應該買咁嘅車。」

「仲有,我未試過買二手車,全部都係全新嘅!所以啲人話我買二手車、借錢追女仔,呢啲唔係誣衊,係夾硬作出嚟詆毀我!肯定呀,百份之一千呀!如果我有借錢追女仔,絕子絕孫!」

【六千蚊都要問人借】
大劉不是沒試過問人借錢,但次數極少。第一次借錢,是因為住院。

膽生毛的大劉,24歲那年,即約40年前,入院接受割膽手術。

是割膽,不是膽石。

那時,大劉習慣了母親按月付零用,所以一直沒有積蓄。那次入院做手術,膽是割了,但大劉沒錢出院,一個大男人在病房哭:「我一生人第一次同人借錢,你估都估唔到我同邊個借,係我屋企個工人。借咗五、六千蚊出院,因為我喺醫院做咗手術,冇錢出院,冇人肯同我找呢條醫院數,我自己又冇積蓄。」那年大劉24歲。

劉老太既然如此寵他,何以沒有替他埋單出院呢?大劉無奈地謂說:「咁佢唔喺香港嘛!」至親亦袖手旁觀?「有時睇電視劇,古裝又好現代又好,都好多呢啲慘變。當一個人叻嘅時候,就會有好多人圍攻你。我阿媽間工廠以前好『豆泥』,一年嘅生意額做300幾萬,第二年我已經由300幾萬變千幾萬,而且我喺我阿媽公司佔嘅大股份,所以啲人咪郁我囉。」

【抱憾恩人中風離世】
問到家族中誰人生妒忌?大劉不願多說:「唉!呢啲太複雜我唔想講,同埋有啲人都已經死咗,總之冇人同我找數先迫我起革命,因為以前我係使阿媽錢,我都唔需要有積蓄,以前讀完書返嚟,阿媽買隻錶畀我20幾萬,已經可以買到一層豪宅。」

堂堂少爺仔,慘情到要向老傭人借錢出院,大劉回想仍然激動:「乜嘢嬲吖,嗰時邊個擋我就殺邊個,我唔怕同你講!首先,同工人借咗五、六千蚊出院後,知道唔係『槍桿子裡出政權』唔得,所以一定要自己出嚟起革命……」後來大劉發跡,好想報答這位傭人,只可惜她在87年股災後中風離世,大劉一直抱憾未能好好報答這位傭人的恩情。

統籌、採訪:陳月媚
攝影:陳俊強
攝錄:NEO、馮嘉銘、吉吉


【話你知】同大劉有關係嘅名人、美女有幾多? 即睇「大劉人物關係圖」: http://bit.ly/JosephLau

【獨家】親自細說六十年傳奇歲月 《劉鑾雄講大劉》明日震撼全城! 【侍母至孝】大劉以母親名義命名7億遊艇 十指緊扣上福臨門 【專家話】大劉24歲就變「冇膽之人」 醫生:食肥膩嘢會「直腸直肚」 【劉鑾雄講大劉(3)】遭猶太人出賣 大劉:我係廢柴中嘅廢柴,懵炳中嘅懵炳! 【劉鑾雄講大劉(2)】走過三輪水貨 「風扇劉」血淚史:唔夠半年已經冇錢出糧 【劉鑾雄講大劉(4)】家道中落 老父開廠俾人呃晒 大劉10歲前冇床瞓 【劉鑾雄講大劉(5)】大劉親剖與父關係:初則口角,繼而動武 【劉鑾雄講大劉(6)】聘福臨門廚師為家廚 大劉狠批昔日飯堂:依家唔啱胃口! 【劉鑾雄講大劉(7)】保鑣變毛巾黨 大劉驚握手:啲男人小完便唔洗手! 【保障自己啫】大劉唔係個個都拖 愛乾淨有原因 【劉鑾雄講大劉(8)】渣甸山大業主帶鎚仔收樓:扑爛咗,再做過! 【劉鑾雄講大劉(9)】大劉鬧廢青:叫佢咪去旅行?仲慘過殺佢老竇老母! 【劉鑾雄講大劉(10)】出手太狠跌200億 大劉:我點會唔怕輸! 【劉鑾雄講大劉(11)】首開腔為供股集資解畫 大劉:每次狙擊都係被迫 【劉鑾雄講大劉(12)】股民爭買窩輪牛熊證覺「抵賭」 大劉譏:啲人冇腦吖嘛! 《劉鑾雄講大劉》慶功食牛雜 十集即時總點擊衝破640萬 【劉鑾雄講大劉(13)】花逾200億收購珍藏 大劉終於遇上一生最愛 【劉鑾雄講大劉(14)】日日同款藍色Polo恤 大劉一季置裝費幾百萬 【劉鑾雄講大劉(15)】換腎悟生死 大劉:搵多幾多,都唔會使得到㗎 【劉鑾雄講大劉(16)】飲水思源難 大劉:有需要嘅時候幫一幫,扶一扶 【劉鑾雄講大劉(17)】曾為愛情落錯注 大劉:嘥咗十幾廿年喺無謂女人身上 【劉鑾雄講大劉(18)】大劉論盡摯友 彤叔亦師亦友 痛心羅兆輝染不良嗜好 【劉鑾雄講大劉(19)】大劉講分家:我大仔,或者甘比,從來冇提過要分身家 【劉鑾雄講大劉(20)】圖解新聞.大劉身家咁樣分 【劉鑾雄講大劉(21)】甘比終極現身 大劉感激太太無怨言:唯一係唔夠成熟 【劉鑾雄講大劉(22)】劉鑾雄獨家私相簿 《大亨》MV全曝光
娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載