› 選擇地區
三藩市
紐約
洛杉磯
其他美國地區
香港 台灣 北美
 
2017年03月30日

【3年婚姻玩完】陳逸璇宣佈同外籍老公離婚:佢冇特登返嚟簽紙

建立時間 (HKT): 0330 18:54

胡杏兒、袁偉豪今日為羊絨品牌FEDELI喺中環專門店擔任剪綵嘉賓,佢話陣間會去陳敏之囝囝百日宴,話送現金俾敏之就最實際。問到杏兒係咪努力造人時,佢話:「係呀,o依家好努力,都希望快啲報喜,希望生多幾個,盡力而為,自己年紀都唔細,唔知到時生有幾辛苦。」杏兒話好開心o依家拍晒劇,係嚟緊有啲活動要出席。問佢復活節假會唔會出埠,杏兒話可能會。咁到時會唔會着三點式先?杏兒就話o依家肥咗唔夠fit,就算影咗都係留俾自己睇。問佢點解肥咗?杏兒話:「因為調理身體,肥咗幾磅,同老公一齊肥,結咗婚肥啲都冇所謂。」

同埋歌手陳逸璇(前名陳苑淇)都有到場,問佢現時係咪離咗婚?佢話:「都唔想隱瞞,只不過做緊離婚手續,個離婚手續要喺家事法庭辦理,老公喺美國嗰邊,冇特登返嚟簽紙,所以我哋分居一年辦理離婚手續。」佢又講到同老公結婚3年,分開係因為各自有唔同夢想,但大家仍然可做朋友,唔涉及第三者。

袁偉豪喺活動上講到時裝問題,佢話唔鍾意着太露骨泳褲,因為都幾尷尬,自己着過最細條泳褲就係當年參加香港先生選舉。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載