蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年04月24日

【《香港華爾街》開鏡】吳鎮宇呻劇中冇女伴 譚耀文預告第二季變big boss

18,314
建立時間 (HKT): 0424 16:19

劉德華監製,吳鎮宇、張孝全主演嘅迷你劇《香港華爾街》,今日喺大潭舉行開鏡拜神儀式,《香》劇由《選戰》導演黃國強執導,其他出席嘅演員還有譚耀文、張可頤、潘燦良、陳家樂、蔡潔、崔碧珈及廖子妤等。導演指《香》劇由2014開始籌劃,監製劉德華極為緊張籌備工作,華仔受傷於醫院卧牀期間仍追收劇本。吳鎮宇曾喺華仔公司見到華仔,鎮宇話:「佢唔係病人樣,返公司都係記招樣,好整理,佢忙緊好多嘢,我冇打擾佢,佢又起唔到身,難得返一日工,好多嘢要處理。」

鎮宇喺劇中飾演金融專家,佢話:「劇情係講香港金融風暴發生過嘅事,香港本土人更有資格去講。」鎮宇苦訴自己喺劇中冇女伴,而張孝全就有余男,喺劇中飾演律師嘅張孝全話:「好期待同鎮宇合作,至於與余男有一點點親熱對手戲,未知親熱情度,都是期待。」二人完成今次合作後,會再一齊到馬來西亞為一齣電影合作。

張可頤今次為《香》劇演出兩集,張可頤話:「另外有電視劇拍緊,同戚其義合作,o依家係自由身,職業同個人都係。」笑言同張可頤半世紀再度合作嘅譚耀文話:「我本來得好短時間演出,但去到第2季會成為big boss。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載