蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年04月28日

【打亂陣腳?】周冬雨食檸檬 金城武:對我來說是刺激

16,353
建立時間 (HKT): 0428 18:50

金城武、周冬雨、監製陳可辛及導演許宏宇,今日喺金鐘出席電影《喜歡你》嘅記者會。眾人要喺記招上揀一種水果代表自己愛情觀,周冬雨揀咗檸檬,佢拎住一片檸檬嚐着豪邁說:「我靠!很酸,看去光鮮,其實挺不容易。」金城武則指每種水果都代表唔同類型對手,咁佢揀咗咩呢?答案係……菠蘿同哈蜜瓜,因為呢兩種水果外硬內甜喎。

金城武話今次同周冬雨合作,起初唔太習慣,因為周冬雨每take都用唔同嘅對白、演繹方式,金城武話:「初時不知怎麼辦,之後覺得這就是她的魅力,她的演出方式對我來說是刺激,我反而怕打亂她的表演。我初時不知道她用演戲來溝通,能順着她演還好。」被問到會否喜愛上周冬雨咁可愛嘅女生,金城武直言:「甚麼都有可能。」

周冬雨話:「今次可以挑逗男神,覺得他特別可愛。」金城武喺台上讓傳媒拍照時,周冬雨在旁用廣東話嗌:「靚仔!靚仔!」問到冬雨是否嘗過傷心愛情經歷,冬雨坦言:「有,細個不懂事,可以應用於今次演戲中,非常好。」對於今次演出會否再在電影獎項中奪獎,冬雨鬼馬回應:「不要再說,都是命吧!」

監製陳可辛透露,金城武曾經問佢幾時合作拍愛情喜劇,陳可辛對金城武話:「你個人咁古肅點做呀,但佢今次好快答應演出,帶出好多好個人嘅嘢。」

喺1994年因為合作而傳緋聞嘅楊采妮,上月誕下雙胞胎兒子,金城武話今日獲傳媒告知,甫聽到消息顯得愕然又驚喜:「是呀?真的?恭喜!恭喜!要向她恭喜一吓,自己少看新聞。」對於會否期望再與楊采妮合作,金城武回應:「現在她是楊導,要看她有何想法。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載