蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月13日

【懲教署致函「提醒」】揭沙咀勞教所生活 《同囚》收信即刪「真人真事」

94,952
建立時間 (HKT): 0513 21:25

游學修主演嘅三級電影《同囚》,故事發生的地方,係沙咀勞教中心,嗰度負責接收14至25歲青少年罪犯,並分為三組,最快則三個月就可以離開勞教中心到豐力樓,在感化官監管下外出工作,重返社會。

相關新聞:【變態懲教官】「食雞翼」x「刨冰」 處境劇天王趙永洪《同囚》陰濕夠狠

沙咀勞教中心,三個字講晒,Short(刑期短)、Sharp(紀律嚴)及Shock(深切反思),有人話,咁嚴苛,目的就係令入過嘅人,唔會想再入,但亦有不少人質疑,香港的懲教制度,是否太落後。而《同囚》一片,也是想借沙咀勞教所嚴厲操練,從而反思懲教的真正意義。

片中的主角游學修,被判入沙咀,在外面做慣大佬,自然不適應裡面要求的絕對服從。戲中的無論J仔、S仔定YA,得三句話可以講,分別是Yes Sir、Sorry Sir同Thankyou Sir;也有傳勞教中心有所謂「食雞翼」、「芥蘭」、「刨冰」、「沙咀四式掌上壓」,「食雞翼」是指彎低身、阿Sir在你背脊批踭;「刨冰」,用拳骨錐落肋骨位。Google一下唔難。

相關新聞:【趙永洪虐待少年犯】凌晨三點邊個睇?游學修三級片唔係晨早就係深夜場

有聲稱曾入沙咀的連登仔,在連登開po玩「你問我答」,分享在沙咀經歷,他稱:「依家啲觀眾睇完電影預告已經覺得係戲劇效果,但其實套戲嘅內容已經比現實冇咁恐怖。等如我講出嚟可能你都唔會信。」話雖如此,但《同囚》最初曾以「真人真事改編」宣傳,最終刪去字眼。有消息指,懲教署曾致函電影片主,表示會「密切注視電影」,而片主最終亦將「真人真事改編」宣傳字眼刪去。

《蘋果》致電《同囚》監製梁鴻華,求證是否真有其事,梁鴻華回覆稱:「啲人誇張咗。懲教署冇俾任何壓力,只係善意提醒,如果講到『真人真事』會牽涉到某啲人嘅屋企人,如果唔係事實,會令到佢哋困擾,唔係想傷害任何人。」

梁鴻華又稱:「資料搜集嗰陣,有聽到啲個案,但係咪百分百真呢?可能都有出入,呢個善意提醒係好嘅,所以都唔用『真人真事改編』,如果係真,就當係呈現事實,如果唔係,就當娛樂片去睇。」

《同囚》於上周四(4號)上映,上映9日票房有1,087,605元,票房不過不失,據知之前《同》片已經排咗幾次上映,但都撞正大片,最終只得幾間戲院上,近日電影口碑唔錯,有戲院決定加場。

相關文章:
【用屎擦牙】《同囚》描繪少年囚犯被虐 游學修:拍得好唔舒服
http://bit.ly/2qdMxsY

【趙永洪虐待少年犯】凌晨三點邊個睇?游學修三級片唔係晨早就係深夜場
http://bit.ly/2rcH9V6

【變態懲教官】「處境劇天王」趙永洪《同囚》大突破 陰濕夠狠
http://bit.ly/2qDcxPG

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載