蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月15日

【等埋洪永城交代】點頭認受情困 唐詩詠:搵緊一個舒服嘅方法

280,681
建立時間 (HKT): 0515 18:12

林文龍、宣萱、王浩信、唐詩詠等人今日喺將軍澳出席電視劇《不懂撒嬌的女人》宣傳活動。有傳唐詩詠同男友洪永城感情出現問題,唐詩詠早前就話會等埋洪永城一齊交代,佢仲話自己唔識處理感情事,令大家誤會,佢話:「感情係兩個人嘅事,要互相尊重,o依家需要時間處理,希望大家畀啲空間。」

相關新聞:【喂!Saving哥】唐詩詠谷出「小籠包」雨中拍劇 笑晒口冇受情變影響?

問到雙方係咪冷靜期緊?唐詩詠就話對方好忙︰「我唔想用到呢啲字眼。我哋會再交代,畀啲時間我哋。」咁佢係咪同男友一齊現身交代?唐詩詠又話︰「唔會講以咩形式交代,唔想件事變到好誇張。我哋搵緊一個大家舒服嘅方法,我哋會盡快去完成件事。」坊間估計佢同洪永城唔係分手就係結婚,唐詩詠就話唔回應,想一次過講。至於呢件事係咪令佢困擾?唐詩詠點頭承認,再次話會短期內盡快處理。

講到有指被周焯華愛將盧啟邦(Andrew)力追,唐詩詠就話︰「傳聞嘅嘢唔想多講,對方唔係圈中人,唔想影響其他人。」至於對方遇襲一事,佢就話唔關佢事,希望大家身體健康咁話。

相關新聞:【被洗米華愛將力追】洪永城愁爆箍煲 唐詩詠風騷夜蒲

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載