蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月19日

【係咪做爸爸?】聽母親指示保護上海妻 城城宣佈:我以後唔再答家庭嘢

105,428
建立時間 (HKT): 0519 20:21

郭富城今晚到圓方出席《第六屆香港薩蘭托國際電影節》活動,大會還頒發「Salrnto Cinema Actor Award -City of Tricase」,以表揚城城對電影界嘅貢獻。問到太太方媛有冇獎勵?城城話:「冇喎!不過我知道呢個獎梁家輝、華仔都攞過,自己都希望藉此鼓勵自己拍多啲電影。」

城城話嚟緊忙拍戲,拍到年底,咁咪抽唔到時間陪太太Moka?城城話:「冇喇,之前過咗母親節,一家人食飯,媽咪都有叮囑我,話:『仔,你要好好保護自己嘅家庭。』佢好語重心長。大家都知道我已經成家立室,亦得到大家嘅祝福,我覺得唔需要每次出嚟都要交代家庭事,因為唔係我工作上嘅範疇。

「我都好尊重記者嘅工作,亦都知道大家想關心,不過都希望大家尊重番我,同埋尊重媽咪俾我嘅意見同意願,可以俾個保護我嘅家庭。以後關於我家庭嘅嘢呢,我都唔會再答0架喇。」

「至於大家好好奇我屋企係咪有新成員,其實我之前都講咗。我成家之後,好多嘢都係順其自然。就算有個新成員,都係天賜俾我嘅禮物。如果有一日你喺街見到我扶老攜幼,大家俾我祝福就可以喇,希望大家體諒。」咁城城屋企係咪有新變化?城城稱;「我已經答咗。」

城城喺活動上,謂無論電影製作大小,都好希望參與,可以同更多優秀人材合作。他稱依家同周潤發合拍緊《無雙》,謂同上次《寒戰II》好唔同,因為今次係一個好顛覆嘅挑戰:「今次發哥做一個亦正亦邪嘅角色,佢好耐都冇做過喇,今次可以過足戲癮。」但佢就記錯發哥喺《寒戰II》飾演法官。

拍完《無雙》,城城會同《踏血尋梅》導演再度合作,拍攝新片《全球通緝令》。講番《無雙》,城城話導演莊文強個腦袋可以裝到好多嘢,佢喺戲中飾演畫家,由發哥睇中,又形容佢自己同發哥在戲中係劍拔弩張,似乎好激烈下。對於發哥讚佢成熟穩重咗,城城話都好開心,形容今次係一個好好嘅挑戰,之後會隨大隊到泰國加國拍外景。

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載