› 選擇地區
三藩市
紐約
洛杉磯
其他美國地區
香港 台灣 北美
 
2017年05月26日

【有一種朋友叫區文詩】被封「茶水間KOL」 全盛時期做幾多單發言人

建立時間 (HKT): 0526 12:59

有一種勇氣叫放棄、有一種女朋友叫唐詩詠、有一種友情叫S.H.E、有一種友情叫張敬軒與王菀之……而多咗一個新嘅就係…「有一種朋友叫區文詩」,講起區文詩,大家會記得佢係組合Cookie嘅「餅碎」之一,又係Stephy、Kary同Miki嘅好姊妹,原來佢又係唐詩詠嘅老友!

噚晚網民喺網上search有關區文詩嘅新聞,發現佢先後為……
1)方力申同Stephy分手(新聞連結: http://bit.ly/2qhZinL )
區文詩:「兩人決定經過深思熟慮,聲明有講唔希望大家傷害任何一方,唔需要有太多揣測。」
2)Kary同Miki反目(新聞連結: http://bit.ly/2r22tgy )
區文詩:「我同Stephy見得多啲,希望可以置身事外……」
3)唐詩詠與洪永城拍拖兩年半(新聞連結: http://bit.ly/2pFxlGo )
區文詩:「兩個人嘅事得佢哋兩個最清楚,希望大家俾啲空間佢哋啦!」

網民瓊姐忍唔住貼圖,喺facebook問:「全盛時期嘅區文詩,可以為幾多單娛樂新聞入面嘅主角做發言人?」更打上hashtag「著名知情人士」、「有一種朋友叫區文詩」、「茶水間KOL」!

至於,點解係「茶水間」,如果你返開寫字樓就知,茶水間係一啲同事聚埋,可以講吓是非,食吓花生嘅地方,唔少網民覺得「佢個樣好『茶水間』」、「茶水間:喂喂喂,你哋有冇聽到,出面傳得好勁,佢哋……開場白」,另有網民覺得佢似「分手代言人」,不過有網民就認為:「證明佢人緣好!」

之不過,又有網民爆出「有一種親人叫謝婷婷」,每次出嚟都被問家庭事,網民仲話:「就算問到第一百個問題,都係問佢身邊嘅人」。
「婷婷呀,你阿哥呢排點呀?」
「婷婷呀,你阿爸呢排點呀?」
「婷婷呀,你阿媽呢排點呀?」
「婷婷呀,你大姪仔呢排點呀?」
「婷婷呀,你細姪仔呢排點呀?」
「婷婷呀,你阿哥前妻呢排點呀?」
「婷婷呀,你阿哥個女友呢排點呀?」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載