蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月29日

【獨家】《詭探》硬撼《蘭花劫》全攻型邵仲衡﹕我哋火力都幾惡

24,614
建立時間 (HKT): 0529 00:06

Viutv《詭探》搵咗相隔17年再拍港劇嘅尹揚明做幹探,講述由佢揸fit嘅神秘部門「第七行動組」,專門調查一啲靈異事件背後嘅真相,而當中故事都係以香港人熟悉嘅都市傳說為藍本,包括93年鐵路廣告、公屋傳說、高街鬼屋同西貢結界。

相關新聞:【恐怖慎入!】《詭探》重組奇案 93鐵路廣告成緝兇線索......

尹揚明飾演嘅忠Sir精通術數,佢下面有幾名部下,蔣祖曼飾演嘅方怡因為性格太強悍,去到邊個部門都係不受歡迎人物,最後被調到「第七行動組」。喺方怡眼中,其他組員個個都古靈精怪,有好鍾意UFO嘅Joe(陳子豐飾)同有陰陽眼嘅神婆(楊偲泳飾),但因為佢完全唔信啲鬼神嘢,當中擦出唔少火花。

「第七行動組」雖然古怪,但屢破案,而成功背後除咗有一班各有本領嘅行動組成員之後,仲有秘密武器--由邵仲衡飾演嘅茅山師父司馬至全,透過驅鬼緝兇。邵仲衡同尹揚明係師兄弟嘅關係,尹揚明係大師兄,車保羅飾演二師兄八爺,佢最叻就係研發茅山術法寶,邵仲衡排第三,而河國榮就係四師弟,佢之後受神嘅感召成為白神父。

對於《詭探》對撼《蘭花劫》,邵仲衡噚日喺電話中哈哈笑話﹕「呢啲嘢兵行險象,人哋有計算嘅,字面解讀就唔同,我哋係全攻型,我哋火力都幾怒、幾惡,打442陣式足球,人哋可能打091戰術。」佢話Viutv嘅風格向來都係想吸引年青人,佢都提醒呢部劇唔會有傳統嘅電視劇模式,佢話﹕「我哋唔會久唔久有歌配樂,或主題曲,雖然係講傳統茅山術,但拍嘅方式好美劇。講緊四個傳統所謂鬼故,我都好佩服編劇,可以作啲合理化嘅破案關鍵,講真故仔好,邊個仔都好睇,唔一定需要我。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載